Меркаванне: У Беларусі няма стэрэатыпа шчаслівага бацькоўства. Праз тое пакутуюць найперш жанчыны

Ці звяртаюць мужчыны ўвагу на праявы дыскрымінацыі па полавай прыкмеце, ці крыўдзяцца на тое, што змаганне за гендэрную роўнасць найчасцей мае на ўвазе змаганне за правы жанчын; ці гадаваць дзяцей як людзей, не азіраючыся на полавую прыналежнасць; куды падзеліся сапраўдныя мужчыны, і як арганізаваць сямейнае жыццё такім чынам, каб мужы былі задаволеныя жонкамі і наадварот.

Пра гэта ішла гаворка ў межах новай праграмы “TUT-Бава” з анэстазіёлагам-рэаніматолагам РНПЦ “Маці і дзіця”, чалавекам, якому ААН і прысвяціў Сусветны мужчынскі дзень – мужчынам, які жыве годным і сумленным жыццем, не з’яўляючыся пры тым ні кіназоркай, ні вядомым спартоўцам Андрэй Вітушка. А таксама са Святланай Курс, журналісткай, феміністкай, сяброўкай групы “Крапіва Беларуская”.



Лістапад, згодна з міжнародным святочным каляндаром, апынуўся самым мужчынскім месяцам года, бо ў першую суботу апошняга восеньскага месяца адзначаецца Сусветны дзень мужчын, а на 19-е лістапада прыпадае Міжнародны мужчынскі дзень. Да таго ж шэраг краін пачынае адчуваць востры дэфіцыт жанчын, з-за чаго мужчыны набываюць фемінныя рысы, а жанчыны маскулінізуюцца. Менавіта гэта і стала прычынаю студыйнага абмеркавання.


Скачать аудио (21.68 МБ)


Скачать видео

“TUT-Бава” – новая праграма вечаровага эфіру TUT.BY-ТБ, у якой будуць весціся разняволеныя абмеркаванні навінаў і жыцця з прадстаўнікамі розных прафесій. Кожны з нас успрымае і чытае навіны па-свойму. Моцны адбітак на ўласны адбор інфармацыі накладае і прафесійны занятак. Менавіта ў тым, якія навіны робяць уражанне на прафесіяналаў з розных галінаў, і будзем разбірацца разам. Дзяліцеся сваімі навінамі і далучайцеся да абмеркавання штоаўторак з 19.30 да 20.30.