Отдых


Наста Манцэвіч,

Ужо сёння ўсе праблемы вырашылі, і беларускія турысты па дапамогу не звяртаюцца, паведамілі Еўрарадыё ў амбасадзе Беларусі ў Турцыі:

Амбасада: "Па інфармацыі, якую мы маем, дзесьці 70 чалавек грамадзян Беларусі мелі нейкія цяжкасці з пражываннем у гатэлях. Але праз нашых беларускіх турыстычных агентаў усе пытанні былі вырашаныя. І цяпер ніякіх праблем не ўзнікае. То бок грамадзяне Беларусі да нас не звяртаюцца".

У Беларусі паслугамі "Карыя Тур" карысталіся пераважна грамадзяне Гомелю і Гомельскай вобласці. Па словах супрацоўніка амбасады, беларускія турагенцтвы, што падпісвалі дамовы з кампаніяй-банкрутам, за свае сродкі аплацілі пражыванне беларускіх грамадзян у гатэлях Турцыі.

Так, адна з гомельскіх турфірм адправіла ў Турцыю праз "Карыя Тур" каля 10 чалавек. "Усе праблемы мы ўжо вырашылі", - кажа супрацоўнік турфірмы:

Супрацоўнік турфірмы: Праблемаў не ўзнікла. Мы званілі звязваліся з гатэлямі, самі дапамагалі… У выніку гэту праблему вырашылі як можна больш мякка ў той сітуацыі.

Еўрарадыё: Вам давялося самім пакрыць пазыку?

Супрацоўнік турфірмы: На жаль, так.

Нагадаем, каля 4 тысяч турыстаў з краінаў СНД, Польшчы і Славакіі мелі праблемы з-за банкруцтва тураператара Турцыі “Карыя Тур”. З-за фінансавых праблемаў 9 ліпеня тураператар спыніў сваю працу.