Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345

Общество


Рэакцыю сілавых ведамстваў Беларусі на апошнія падзеі ў Афганістане можна назваць аднолькавай — зь няпэўным выключэньнем, якое належыць КГБ. Толькі там кажуць, што атака амэрыканцаў на Афганістан прымушае ўзяць пэўныя захады.

Аднак канкрэтна пра гэтыя крокі мне ў КГБ не паведамілі — спаслаліся на закрытасьць ведамства.

(Котаў: ) "У сьвеце ўсё ўзаемазьвязана... Што тычыцца пэўных апэратыўных захадаў, то ў 90% выпадкаў мы ніколі пра іх не распавядаем. Але сказаць, што мы ніяк ня будзем рэагаваць на гэтыя падзеі, я не магу. Пэўныя дзеяньні будуць", — заявіў Радыё Свабода кіраўнік цэнтру сувязяў з грамадзкасьцю КГБ Фёдар Котаў.

Міністар унутраных справаў Уладзімер Навумаў заявіў сёньня раніцай, што рэжым працы беларускай міліцыі пасьля атакі амэрыканскіх сілаў на Афганістан не зьмяніўся. Прэсавая служба МУС патлумачыла, што гэта азначае: працягваюцца ўзмоцненыя дзяжурствы на транспартных вузлах, у аэрапортах і на вакзалах, вакол амбасадаў і ўрадавых аб'ектаў паводле загаду, які паступіў пасьля трагедыі 11 верасьня ў Нью-Ёрку і Вашынгтоне. Неабходнасьці ўводзіць дадатковыя захады бясьпекі кіраўніцтва міліцыі ня бачыць.

Гэткую ж пазыцыю заняло і Міністэрства абароны. Намесьнік кіраўніка прэсавай службы Леанід Захаранка кажа, што пакуль падзеі ў Афганістане непасрэдна нас не датычаць, таму і рэагаваць няма патрэбы. Захаранка не пацьвердзіў зьвесткі пра тое, што проціпаветраныя войскі быццам нясуць узмоцненае дзяжурства.

(Карэспандэнт: ) "Ці праўда, што ўвялі дадатковае дзяжурства?"

(Захаранка: ) "Не, не. Усё па-ранейшаму, нас гэта не датычыць. Мы займаемся сваёй справай — баявой вучобай".

У Мытным камітэце і Камітэте памежных войскаў пасьля падзеяў 11 верасьня быў узмоцнены кантроль за людзьмі й транспартнымі плынямі, што праходзяць празь мяжу. Гэты ўзмоцнены рэжым, паводле прэсавага цэнтру Савету Бясьпекі, захоўваецца і зараз.

Аднак калі я зьвярнуўся да знаёмага мытніка ў аэрапорце "Менск-2", той патлумачыў, што ніякіх канкрэтных зьменаў гэты "ўзмоцнены кантроль" не азначае. "Правяраем, як правяралі раней. Мы заўсёды павінны быць пільныя. А кіраўніцтву заўсёды трэба нешта рапартаваць наверх, вось і прыдумляюць байкі пра надзвычайны кантроль", — сказаў мытнік з мытнага пункту ў аэрапорце.

Алег Грузьдзіловіч, Менск