Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    272812345
    6789101112
    13141516171819
    20212223242526
    272829303112

Общество


Берасьцейскія памежнікі не выключаюць, што ў сувязі зь цяперашнімі падзеямі вакол Афганістану павялічыцца колькасьць афганцаў, якія пажадаюць трапіць на Захад празь Беларусь.

Як паведаміў Радыё Свабода прэсавы сакратар Берасьцейскай памежнай групы Зьміцер Дзявятаў, сярод тых, хто спрабуе нелегальна перасячы беларуска-польскую мяжу апошнім часам пераважаюць выхадцы з азіяцкіх рэгіёнаў, асабліва з Пакістану ды Афганістану.

Напачатку верасьня каля вёскі Агароднікі Берасьцейскага раёну беларускія памежнікі затрымалі адразу 23 грамадзянаў Афганістану, якія спрабавалі трапіць у Польшчу нелегальна. Паколькі гэтых асобаў пры спробе парушыць дзяржаўную мяжу затрымалі ўпершыню, суд вырашыў выслаць іх з тэрыторыі Беларусі.

Разам з тым кіраўніцтва берасьцейскай памежнай групы сьцьвярджае, што польскі бок абмежаваў мажлівасьць трапіць у гэтую краіну для тых грамадзянаў азіяцкага рэгіёну, якія жадаюць легальна перасячы мяжу.

У прыватнасьці, у беларускіх памежнікаў ёсьць зьвесткі, што яшчэ да цяперашніх падзеяў вакол Афганістану некаторых грамадзянаў гэтай краіны не пусьцілі ў Польшчу па сапраўдных дакумэнтах. Падставай стала тое, што афганцы ня мелі адпаведнай візы адной з заходніх дзяржаваў, а таму маглі застацца ў Польшчы на няпэўны час.

Па словах Зьмітра Дзявятава, зараз высьвятляюць, што і наяўнасьць такіх візаў не дае гарантыі, што ейны ўладальнік трапіць у Польшчу.

Берасьцейскія памежнікі ўважліва сочаць за падзеямі, што адбываюцца зараз у Афганістане і вакол гэтай краіны. Пачатак буйной вайсковай апэрацыі можа прывесьці да масавага сыходу насельніцтва. Шмат людзей з Афганістану будзе шукаць паратунку на Захадзе і паспрабуе трапіць у Беларусь.

Магчымасьці такога разьвіцьця падзеяў не выключаюць ня толькі памежнікі, але і міліцыянты. Ва ўпраўленьні ўнутраных справаў аблвыканкаму паведамілі, што сёлета зь Берасьцейшчыны дэпартавалі больш за паўсотні іншаземцаў, якія парушылі правілы свайго знаходжаньня ў Беларусі.

Алег Супрунюк, Берасьце