Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345
  • Популярное

Общество


Сёньня Маскоўскі раённы суд Менску пастанавіў спагнаць з адвакаткі Веры Страмкоўскай 600 тысяч беларускіх рублёў (прыкладна 500 даляраў ЗША) кампэнсацыі за словы, якія яна сказала падчас працэсу па справе Васіля Старавойтава.



У 1999 годзе на гэтым працэсе адвакатка зацікавілася лёсам канфіскаванага ў Старавойтава каньяку. Яна прасіла суд высьветліць, дзе знаходзяцца 40 бутэлек каньяку "Белы бусел", бо зьявіліся чуткі, быццам яго прысвоілі сьледчыя. З гэтай прычыны сьледчы Смаленцаў падаў пазоў аб абароне гонару і годнасьці.

Больш як паўгода судзьдзя Сяргей Нікалаеў разглядаў справу і ў выніку пазоў Смаленцава часткова задаволіў. Таксама пакаралі газэту "Навіны" і ейнага былога карэспандэнта Алега Грузьдзіловіча, які асьвятляў у "Навінах" судовы працэс над Старавойтавым. Газэту, якой ужо не існавала, абавязалі заплаціць сьледчаму 800 тысяч рублёў, журналісту далі штраф на 500 тысяч рублёў.

Адвакатка Вера Страмкоўская назвала рашэньне судзьдзі "беспрэцэдэнтным, якое адкрывае шлях незаконнага пакараньня адвакатаў за выкананьне імі абавязкаў у справе абароны кліентаў". Абаронца журналіста, прадстаўнік Беларускага Гельсынскага камітэту Гары Паганяйла назваў гэтае рашэньне "чарговым захадам супраць свабоды слова ў Беларусі".

Страмкоўская і Грузьдзіловіч заявілі, што будуць дамагацца адмены рашэньня ў вышэйшай судовай інстанцыі.



Ігар Карней, Менск