Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345

Общество


Два патэнцыйныя кандыдаты на прэзыдэнта ўжо падалі ў Цэнтарвыбаркам свае заяўкі на рэгістрацыю ініцыятыўных групаў, але большасьць прэтэндэнтаў прызначылі гэтую працэдуру на аўторак ці сераду.



Віктар Цярэшчанка мінулай суботай падаў заяву пра рэгістрацыю сваёй шасьцітысячнай ініцыятыўнай групы збору подпісаў.

Лідэр Лібэральна-дэмакратычнай партыі Сяргей Гайдукевіч сьпісы больш як 2000 сваіх зборшчыкаў подпісаў прадставіў у Цэнтарвыбаркам сёньня.

У ЦВК разьлічваюць, што асноўны наплыў ініцыятыўных групаў будзе ў аўторак–сераду. Тады ж, відаць, падасьць заяўку на рэгістрацыю сваёй групы і Аляксандар Лукашэнка. Гаворыць сакратар ЦВК Мікалай Лазавік:

(Лазавік: ) "Так, створаная група і ў Аляксандра Рыгоравіча, чакаецца, што сёньня–заўтра будзе прадстаўленая заява аб рэгістрацыі ягонай ініцыятыўнай групы".

Мікалай Лазавік сьцьвярджае, што ЦВК будзе нэўтральны да ўсіх кандыдатаў на прэзыдэнта.

Павал Казлоўскі, а таксама лідэр ПКБ Сяргей Калякін зьбіраюцца падаваць заяўкі ў аўторак. У групе Паўла Казлоўскага 1500 чалавек, ёй кіруе Міхаіл Волчак. Ініцыятыўнай групай Сяргея Калякіна кіруе Валеры Ўхналёў, у ёй каля 2000 чалавек.

На нядзельнай сустрэчы сябраў ініцыятыўнай групы Міхаіла Чыгіра абралі кіраўнікоў ініцыятыўнай групы і перадвыбарчага штабу.

Кіраваць штабам спадара Чыгіра будзе Тацяна Ваніна:

(Ваніна: ) "Мы маем вопыт 1999 году, шмат людзей, якія працавалі з намі тады, — яны сёньня ў нашай камандзе. Улічваючы тое, што тады, пры тых умовах, калі нас рабілі фактычна здраднікамі, ледзь не ў дзяржаўным перавароце абвінавачвалі, мы здолелі сабраць 140 тысячаў подпісаў, то сёлета я абсалютна перакананая, што мы гэтыя лічбы набярэм".

Тацяна Ваніна сьцьвярджае, што ў ініцыятыўнай групе М.Чыгіра гатовыя шчыльна супрацоўнічаць і з групамі іншых кандыдатаў зь "пяцёркі", дзяліцца інфармацыяй. Ня выключаныя нават сумесны збор подпісаў сябрамі некалькіх ініцыятыўных групаў.

(Ваніна: ) "У нас адзін канкурэнт, якога мы павінны пераадолець. Калі мы будзем пяцярнёй біць у адну кропку, то я думаю, тады мы звалім гэты рэжым", — зазначыла Тацяна Ваніна.

Прыкладам сумеснай прапагандысцкай працы "пяцёркі" апазыцыйных кандыдатаў быў іхны выступ у мінулую нядзелю ў праграме Ўладзімера Познера "Времена" на ОРТ. Адзін з удзельнікаў перадачы Сямён Домаш так расцаніў выступы прадстаўнікоў "пяцёркі" ў эфіры расейскага тэлебачаньня:

(Домаш: ) "Гэта вынікі папярэдніх нашых паездак, пра якія ўвесь час гаварыў наш "бацька", што мы ні да чаго там не дамовіліся ні з кім. Мы спадзяемся, што гэта вельмі такі сур’ёзны сыгнал, таму што расейскія СМІ, расейскае тэлебачаньне пачынаюць праяўляць цікавасьць да падзеяў у Беларусі", — зазначыў Сямён Домаш.

Кіраўнік ягонай ініцыятыўнай групы Яўген Лабановіч паведаміў, што заяву на рэгістрацыю групы яны падаюць заўтра. У групе больш як 3000 чалавек.



Валер Каліноўскі, Менск