Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345
  • Популярное

Общество


Гэтае лета будзе гарачае. Сыноптыкі дакляруюць цёплае прыроднае надвор'е, палітыкі - ня менш цёплае надвор'е палітычнае. Сёлета, як і мінулымі гадамі, ня кожны беларус зможа паехаць адпачыць нават у тутэйшы санатор. Шмат хто адпачываў апошнім разам 5-7 гадоў таму. Вандроўкі ў заморскія краі - вялікая раскоша для нашых людзей.

Бальшыня з тых, хто мае магчымасьць паехаць адпачыць за мяжу, выправіцца ў Крым. "Апошнім разам я адпачываў гадоў дзесяць таму, а так заўсёды даводзілася працаваць. Гэтым летам я нарэшце надумаў адпачыць", - кажа 30-гадовы мянчук. Ягоны сябар намерваецца давучыцца й таксама выправіцца ў Крым. У "новых" беларусаў свае праблемы. Аднаму заможнаму менчуку не ставала 2.000 даляраў, каб зьезьдзіць на Кіпр, дык таксама даводзіцца ехаць у Крым.

На адпачынак у Беларусі ў сярэднім трэба ад 200.000 руб. - і гэтае сумы стае толькі на два тыдні. У Баўгарыі можна адпачыць за 300-400 даляраў.

"Адпачываць буду ў вёсцы, на гародзе", - кажа пажылая мянчанка, якая працуе на заводзе "Гарызонт" і мае заробак 100.000 руб. Яна кажа, што ўжо звыклася да "гароднага" адпачынку. Гэтак сама пройдзе лета ў сотняў тысяч беларусаў. Іхныя адпачынкі ў Крыме ці ў Сочы засталіся ў настальгічнай савецкай мінуўшчыне. "Як я магу купіць пуцёўку, калі маю пэнсію 54.000 рублёў?!" - абураецца пэнсіянэр, які апошнім разам выяжджаў на мора ў 1970-я гг.

"Я прыехала ў Менск адпачываць, далей я паехаць анікуды не магу. Менск - гэта сталіца нашае краіны, і я яго люблю", - прызналася жыхарка Новаполацку. Яна працуе ў кнігарні, дзе зарабляе 28.000 руб. у месяц, а на адпачынак атрымала ажно 53.000 руб.

Шмат хто спадзяецца, што адпачне налета: людзі хочуць верыць, што пасьля восеньскіх выбараў зьявіцца рэальная пэрспэктыва заможнага жыцьця й магчымасьць скарыстацца з гарантаванага Канстытуцыяй права на адпачынак.



Віктар Мухін

Радыё Рацыя