Чарговая спроба наладзіць выпуск кавы робіцца ў Беларусі

Абвешчана, што да 15 тон кавы штомесяц будзе выпускаць прадпрыемства "Ікартайм", разьмешчанае ў Астрашыцкім Гарадку, што пад Менскам. Як абяцаюць, сыравіна будзе набывацца на вядомым кававым рынку ў Гамбургу. Дагэтуль намеры наладзіць выпуск кавы зьдзяйсьняліся на Ашмянскім і Баранавіцкім харчовых камбінатах. Аднак беларусы працягваюць аддаваць перавагу замежным маркам кавы. Дарэчы, новая беларуская кава будзе мець "спрадвечна беларускае" імя - "Матадор".

Радыё Рацыя