Кiраўнiк каталiцкай царквы ў Беларусi Тадэвуш Кандрусевiч кажа, што пакуль католiкi не атрымалi адказу на сваю прапанову зрабiць 1 лicтапада днём, вольным ад працы.

Фото: Александр Корсаков, TUT.BY
Фото: Александр Корсаков, TUT.BY

— 1 лістапада — гэта ўрачыстасць Усіх Святых, гэта абавязковае свята. І ў многіх краінах свету гэты дзень вольны ад працы, — распавёў Тадэвуш Кандрусевiч. —  Возьмем Літву, Латвію, Польшчу, Германію, Італію — у многіх краінах свету гэта абавязковае свята, урачыстасць нават. І мы хацелі б, каб у нас таксама было.

Па словах мiтрапалiта, «у прэсе было многа розных меркаванняў, быццам Касцёл супярэчыць традыцыям беларускім і гэтак далей», таму што прасiў выходны на Дзень Усіх Святых, а не на Дзяды, якiя iдуць за гэтым святам.

— Мы не супраць Дзядоў, і вельмі добра, што нашы людзі памятаюць аб сваіх памерлых: аб іх трэба памятаць, трэба маліцца, Святое Пісанне нас да гэтага заклікае. (…) Ніхто не замяняе чыіхсьці традыцый, мы іх падтрымліваем. Толькі традыцыяй нашага Касцёла і нават прадпісаннямі літургічнымі гэта свята (1 лicтапада — TUT.BY) — абавязковае. Пакуль што мы ніякага адказу не атрымалі. Але калі б было таксама вольным ад працы і 2 лістапада, мы таксама радаваліся б. Чаму не?!

Раней партал catholic.by паведамiў, што Каталiцкая царква даслала лiст Аляксандру Лукашэнку з прапановай зрабiць 1 лiстапада ў Беларусi выхадным днём.

-47%
-10%
-10%
-50%
-15%
-30%
-20%
-10%
-50%
-10%
0066814