Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345

Общество


На думку гісторыкаў, спасярод закатаваных могуць быць колішнія грамадзяне Польшчы: афіцэры, службоўцы, інтэлігенцыя, духоўныя асобы, арыштаваныя ў 1939-41 гг.

У Варшаве не без падставаў мяркуюць, што спасярод знойдзеных нядаўна ў Віцебску ахвяраў НКВД могуць быць польскія грамадзяне. Паводле зьвестак польскае арганізацыі Рада абароны памяці пра змаганьне й пакуты, пад тысячу польскіх афіцэраў, арыштаваных энкавэдыстамі, загінулі ў Беларусі ўзімку 1939-40 гг., яшчэ да таго, як 4.000 іх таварышаў загінулі ў Катыні. Як мяркуюць некаторыя польскія гісторыкі, НКВД, магчыма, закатавала на тэрыторыі Беларусі яшчэ 4.000 польскіх вайскоўцаў. Беларускі гісторык Ігар Кузьняцоў спасылаецца на архіўныя матэрыялы, паводле якіх у 1940 г. 4.000 палонных палякаў трапілі ў вязьніцы Менску (3.000) і Віцебску (1.000).

Польская Gazeta Wyborcza цытуе ўспаміны жыхара Маладэчна Станіслава Шмугулеўскага, які на пачатку вайны рабіў у Асінторфе ля Воршы. Паводле словаў С.Шмугулеўскага, у 1939-40 гг. туды на работы прывозілі польскіх афіцэраў, апраненых у летнія мундзіры. Вэрсію, што ў Віцебску спачываюць парэшткі замардаваных экавэдыстамі людзей, пацьвярджаюць і ўспаміны гісторыка Юркі Віцьбіча, які згадваў, што ў колішнім палацы губэрнатара, дзе пры канцы 1930-х гг. месьцілася НКВД, былі расстраляныя сотні вязьняў у часе панічных уцёкаў бальшавікоў перад нямецкім наступам улетку 1941 г.

Няма пэўнасьці, што ў Віцебску былі расстраляныя польскія жаўнеры. Аднак польскія ўлады ўважліва сочаць за падзеямі ў Віцебску. "Мы цікавімся кожнаю інфармацыяй пра людзей, што могуць быць закатаванымі НКВД палякамі. Пагатоў Віцебск недалёка ад Катыні. Аднак пакуль мы ня маем пэўнае інфармацыі на гэты конт", - сказаў RR Вальдэмар Мендзалеўскі, кіраўнік консульскага аддзелу амбасады Беларусі ў Польшчы.

Амабасада Польшчы скіравала запыты ў Міністэрства абароны й Міністэрства замежных справаў Беларусі. Аднак афіцыйнага адказу амбасада пакуль не атрымала. Неафіцыйны адказ з МЗС не пацьвердзіў наяўнасьці парэштак палякаў у Віцебску. Прэсавы сакратар МЗС Павал Латушка сказаў RR, што яму "нічога невядома" наконт запыту польскае амбасады: "Я не магу ні пацьвердзіць, ні аспрэчыць гэтае інфармацыі".

Парэшткі невядомых ахвяраў археолягі знаходзілі ў Віцебску й раней - у 1991 і ў 1998 гг. Што да сёлетняе знаходкі, дык цяжка спадзявацца, што ўлады дадуць магчымасьць раскрыць таямніцу віцебскіх ахвяраў НКВД. Дзяржаўная тэлевізія, насуперак колькі разоў афіцыйна пацьверджаным фактам, цьвердзіць, што ў Курапатах ляжаць парэшткі расстраляных немцамі гамбурскіх яўрэяў, а не закатаваных савецкімі карнымі органамі савецкіх жа грамадзян. Відавочна, праўда пра рэпрэсіі 1930-х яшчэ камусьці не дае спакойна спаць.



Віктар Мухін

Радыё Рацыя