Подпишитесь на нашу ежедневную рассылку с новыми материалами

Общество


Як паведамiлi карэспандэнту «Звязды» ў аддзеле метэаралагiчных прагнозаў Беларускага гiдраметцэнтра, у апошнiя днi на тэрыторыi нашай краiны захаваецца панiжаны тэмпературны рэжым. Так, сярэднясутачная тэмпература за мiнулыя суткi была на 1-4 градусы нiжэй за норму.

Разам з тым з 14 па 17 чэрвеня нiякiх актыўных франтальных раздзелаў сiноптыкi не абяцаюць, таму невялiкiя кароткачасовыя дажджы магчымы толькi ў асобных раёнах рэспублiкi.

Тэмпература паветра ўначы ў аўторак будзе вагацца ад 7 да 12 градусаў, а ўдзень — ад 17 па ўсходу i да 24 градусаў цяпла па захаду краiны. Тэмпература паветра стане iстотна павялiчвацца 15-16 чэрвеня па паўднёваму захаду краiны. Такiм чынам, тэмпература паветра ўначы на Брэстчыне i Гродзеншчыне складзе 9-15, удзень 25-27 градусаў цяпла. Аднак ужо на выхадныя моцныя атмасферныя франты з боку паўночнага захаду прынясуць у Беларусь зацяжныя дажджы i адразу iстотна пахаладае. Тэмпература паветра ўначы чакаецца 7-13, удзень — не больш чым 16-21 градус цяпла. Сапраўднага цяпла мы пакуль не бачылi.

Сяргей КУРКАЧ