Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345
  • Популярное

Общество


У Савецкім судзе Менску пачаўся разгляд справы лідэра Маладога Фронту Паўла Севярынца. Ён абвінавачваецца ў тым, што дзейнічае ад імя незарэгістраванай арганізацыі.



Абвінавачаньне Паўла Севярынца грунтуецца на двух міліцэйскіх пратаколах, якія былі складзеныя за ўлёткі на футбольным матчы "Беларусь—Нарвэгія" 28 сакавіка.

Паўла абвінавачваюць у тым, што ён нібыта выступае й дзейнічае ад імя незарэгістраванай грамадзкай арганізацыі. Пакараньнем за гэта могуць быць папярэджаньне, штраф да 50 мінімальных заробкаў альбо 15 сутак арышту.

Гэта першая справа такога кшталту. Павал Севярынец лічыць, што нагодай для судовага прэцэдэнту стала актыўная дзейнасьць сяброў Маладога Фронту:

(Севярынец: ) "Вось гэты судовы працэс сьведчыць пра тое, наколькі небясьпечным для рэжыму стаў Малады Фронт. Толькі за згадку Маладога Фронту, толькі за гэтыя два словы можна атрымаць 15 сутак арышту. Гэта ацэнка дзейнасьці арганізацыі.

Малады Фронт зараз вельмі актыўна дзейнічае, ён плянуе вывесьці на прэзыдэнцкія выбары каля 1,5 мільёна маладых выбаршчыкаў, праводзіць хвалю акцыяў. Апошні месяц акцыяў было каля 20 толькі ў Менску, а яшчэ некалькі дзясяткаў у рэгіёнах. Менавіта гэтая актыўнасьць палохае рэжым.

Нягледзячы на тое, што я адседзеў 10 сутак на Акрэсьціна і быў ізаляваны ад сяброў Маладога Фронту, акцыі працягваліся. Рэжым зразумеў небясьпеку для сябе з боку моладзі й Маладога Фронту як найбольш масавага й найбольш актыўнага руху. Рэжым спрабуе зьбіць хвалю вось такімі драконаўскімі мерамі", — паведаміў Павал Севярынец Радыё Свабода ў судовай залі.

Судзьдзя Руслан Казадаеў пасьля апытаньня сьведак перанёс суд на 3 траўня, каб высьветліць некаторыя акалічнасьці справы.



Любоў Лунёва, Менск