Подпишитесь на нашу ежедневную рассылку с новыми материалами

Общество


Як паведамiлi карэспандэнту «Звязды» ў аддзеле метэаралагiчных прагнозаў Беларускага гiдраметцэнтра, моцны антыцыклон з поўдня Урала рухаецца зараз у бок Заходняй Еўропы. Айчынныя спецыялiсты падлiчылi, што ўжо 7 лютага цэнтр гэтага антыцыклону дасягне тэрыторыi Беларусi.

Такiм чынам, ужо ў суботу-нядзелю ў нашай краiне iстотна павысiцца атмасферны цiск, спыняцца ападкi i iстотна пахаладае. Паводле меркаванняў сiноптыкаў, самае халоднае надвор’е ў рэспублiцы будзе назiрацца ў перыяд з 6 па 8 лютага. Уначы ў гэтыя днi тэмпература паветра панiзiцца да 11-17, а пры праясненнях нават да 23-25 градусаў марозу. Удзень у гэтыя днi будзе таксама не цёпла - 5-10, а ў асобных раёнах - да 15 градусаў марозу.

Паводле папярэднiх прагнозаў, пачынаючы з сярэдзiны наступнага тыдня чакаецца павелiчэнне воблачнасцi, месцамi пройдзе снег. Менавiта з серады наступнага тыдня маразы пачнуць iстотна слабець.

Сяргей КУРКАЧ
,