Подпишитесь на нашу ежедневную рассылку с новыми материалами

Общество


Дзяржава і ў далейшым будзе ўдзяляць належную ўвагу медыцынскаму абслугоўванню і аказваць неабходную дапамогу ветэранам. Гэта адзначыў прэзідэнт Беларусі Аляксандр Лукашэнка ў ходзе сённяшняга наведвання Магілёўскага абласнога шпіталя інвалідаў Вялікай Айчыннай вайны.

Як было даложана прэзідэнту краіны, шпіталь з'яўляецца арганізацыйна-метадычным цэнтрам аказання медыцынскай дапамогі ветэранам і пажылым людзям. Штогод тут лечацца каля 5 тысяч чалавек.

Аляксандр Лукашэнка наведаў тэрапеўтычнае і неўралагічнае аддзяленні шпіталя, размаўляў з ветэранамі, якія праходзяць тут лячэнне. Яны выказалі прэзідэнту словы шчырай удзячнасці за вялікія клопаты аб іх з боку дзяржавы. Былы танкіст Аляксей Бахвалаў, які мае 8 баявых узнагарод, у гутарцы з кіраўніком дзяржавы адзначыў добрую работу медыкаў гэтай установы і чулыя іх адносіны.

Аляксандр Лукашэнка, звяртаючыся да ветэранаў, пажадаў ім здароўя і ўсе надыходзячыя святы абавязкова сустрэць дома.

Ад імя прэзідэнта шпіталю было падорана 5 каляровых тэлевізараў.
0059072