Фото: Александр Корсаков,

29 лістапада папа Францішак прызначыў трох новых біскупаў у Беларусі: Алега Буткевіча біскупам Віцебскай дыяцэзіі, Юрыя Касабуцкага дапаможным біскупам Мінска-Магілёўскай архідыяцэзіі, Іосіфа Станеўскага дапаможным біскупам Гродзенскай дыяцэзіі.
 
Фото: Александр Корсаков, TUT.BY
 
"На 75 працэнтаў колькасць біскупаў пабольшала", - адзначыў мітрапаліт Тадэвуш Кандрусевіч.

Ён упэўнены, што гэта вельмi сiмвалiчна. "29 лiстапада 1961 года ранiцай у Гароднi я ехаў у аўтобусе ў школу. Трэба было праехаць па Савецкай плошчы. Людзей у аўтобусе было  многа, было цёмна, я нічога не бачыў. нейкi чалавек сказаў: "Усё, касцёла няма". Я зразумеў, пра што ён: улады рыхтавалicя ўзарваць найстарэйшы касцёл горада, фару Вітаўта, касцёл 16 стагоддзя. Пасля школы я прыйшоў на гэтае места. Людзi стаялi i плакалi. Машыны вывозi рэшткi". А сення, абвяшчая прызначэнне бiскупаў, Тадэвуш Кандрусевіч, хвалюючыся, падкрэслiў: "Касцёл жыве!"
 
Фото: Александр Корсаков, TUT.BYФото: Александр Корсаков, TUT.BY
  
Як паведамляе камунікат Апостальскай Нунцыятуры, біскупская сакра будзе ўдзелена біскупу намінату Алегу Буткевічу 18 студзеня ў віцебскай катэдры ў 12 гадзін, біскупу намінату Юрыю Касабуцкаму 25 студзеня ў мінскай архікатэдры ў 11 гадзін, біскупу намінату Іосіфу Станеўскаму 1 лютага ў гродзенскай катэдры ў 12 гадзін.

Фото: Александр Корсаков, TUT.BY

Кароткія біяграфіі новапрызначаных біскупаў


Алег Буткевіч 

Фота: http://catholic.byНарадзіўся 18 сакавіка 1972 г. у Браславе, на тэрыторыі сучаснай Віцебскай дыяцэзіі. Перад паступленнем у Вышэйшую духоўную семінарыю ў Гродне (1994 г.) скончыў Беларускі дзяржаўны аграрны тэхнічны ўніверсітэт.
Прэзбітэрскае пасвячэнне прыняў 13 мая 2000 г.; з’яўляецца прэзбітэрам Віцебскай дыяцэзіі. Выконваў абавязкі вікарыя парафіі ў Наваполацку і Міёрах, абавязкі пробашча парафіі ў Бешанковічах і Уле. З 2003 г. выконвае абавязкі пробашча парафіі Св. Антонія Падуанскага ў Віцебску і дэкана дэканату Віцебск-паўночны.

Юрый Касабуцкі

Фота: http://catholic.byНарадзіўся 15 лютага 1970 г. у Маладзечне на тэрыторыі сучаснай Мінска-Магілёўскай архідыяцэзіі. Перад паступленнем у Вышэйшую духоўную семінарыю ў Гродне (1991 г.) вучыўся ў Беларускім дзяржаўным інстытуце народнай гаспадаркі і адбыў вайсковую службу.
 
Прэзбітэрскае пасвячэнне прыняў 7 снежня 1996 г.; з’яўляецца прэзбітэрам Мінска-Магілёўскай архідыяцэзіі. Выконваў абавязкі вікарыя парафіі Унебаўзяцця Найсвяцейшай Марыі Панны і св. Станіслава ў Магілёве і адміністратара парафіі Узвышэння Святога Крыжа ў Вілейцы. З 1999 г. па 2001 г. вучыўся ў Люблінскім каталіцкім універсітэце (Польшча), дзе атрымаў ступень ліцэнцыята тэалогіі. З 2001 г. па 2004 г. выконваў абавязкі прэфекта Міждыяцэзіяльнай вышэйшай духоўнай семінарыі ў Пінску. У 2004 г. прызначаны дырэктарам Сакратарыяту Канферэнцыі Каталіцкіх Біскупаў Беларусі. З 2005 г. выконвае абавязкі канцлера курыі Мінска-Магілёўскай архідыяцэзіі. З 2006 г. з’яўляецца таксама адміністратарам парафіі Найсвяцейшай Тройцы (св. Роха) на Залатой Горцы ў Мінску. З’яўляецца выкладчыкам ў Міждыяцэзіяльнай вышэйшай духоўнай семінарыі ў Пінску і Катэхетычным каледжы імя св. Яна Хрысціцеля ў Мінску.

Іосіф Станеўскі

Фота: http://catholic.byНарадзіўся 4 красавіка 1969 г. у Заневічах на тэрыторыі сучаснай Гродзенскай дыяцэзіі. Пасля вайсковай службы і працоўнага досведу паступіў у Вышэйшую духоўную семінарыю ў Гродне (1990 г.).
 
Прэзбітэрскае пасвячэнне прыняў 17 чэрвеня 1995 г.; з’яўляецца прэзбітэрам Гродзенскай дыяцэзіі. У тым жа годзе быў прызначаны вікарыем парафіі Св. Вацлава ў Ваўкавыску. Пасля крыху больш чым гадавой душпастырскай паслугі быў скіраваны ў Люблінскі каталіцкі ўніверсітэт (Польшча), дзе атрымаў ступень ліцэнцыята кананічнага права. У 1999 г. быў прызначаны выкладчыкам і прэфектам Вышэйшай духоўнай семінарыі ў Гродне. З 2000 г. з’яўляецца суддзёй, а з 2005 г. — віцэ-афіцыялам Міждыяцэзіяльнага касцёльнага суда ў Гродне. З 2004 г. выкладае кананічнае права ў Катэхетычным інстытуце ў Гродне. 23 червеня 2005 г. быў прызначаны рэктарам Вышэйшай духоўнай семінарыі ў Гродне. З’яўляецца членам Біскупскай рады і Калегіі кансультантаў Гродзенскай дыяцэзіі. У 2007-2013 гг. быў адказным за душпастырскую фармацыю маладых святароў у Гродзенскай дыяцэзіі. З 2009 г. з’яўляецца каардынатарам душпастырства пакліканняў. У 2012 г. быў прызначаны капеланам Яго Святасці.  
 
Фото: Александр Корсаков, TUT.BY
"Асабліва трэба падкрэсліць біскупскае прызначэнне святара Юрыя Касабуцкага. Мінска-Магілёўская архідыяцэзія па прычыне як вельмі вялікай тэрыторыі і шматлікіх пастырскіх патрабаванняў, так і пазіцыі, якую займае ў беларускім грамадстве, патрабуе большай колькасці наступнікаў апосталаў, якія будуць выконваць біскупскія заданні навучаць, асвячаць і кіраваць Божым Народам", - адзначыў Тадэвуш Кандрусевіч.
 
Алег Будкевіч. Віцебская катэдра была вакантнай практычна год, з 25 лютага 2013 года. Былы біскуп Уладзіслаў Блін падаў у адстаўку - па стане здароўя. фото: Игорь Матвеев, TUT.BY
{banner_819}{banner_825}
-50%
-50%
-58%
-15%
-20%
-10%
-50%
-25%