Подпишитесь на нашу ежедневную рассылку с новыми материалами

Общество


Кіраўнік дзяржавы 24 лістапада падпісаў Указ нумар 530, якім у асобныя акты прэзідэнта Беларусі па пытаннях дзейнасці судоў унесены змяненні і дапаўненні. Яны прыводзяць заканадаўства ў адпаведнасць з Законам "Аб дзяржаўнай службе ў Рэспубліцы Беларусь". Аб гэтым БЕЛТА паведамілі ў прэс-службе кіраўніка дзяржавы.

У прыватнасці, Указ Прэзідэнта Беларусі ад 4 снежня 1997 г. нумар 626 "Аб некаторых мерах па ўпарадкаванню дзейнасці судоў Рэспублікі Беларусь" дапоўнены такімі відамі накладаемых на суддзяў дысцыплінарных спагнанняў, як папярэджанне аб няпоўнай службовай адпаведнасці, паніжэнне ў кваліфікацыйным класе на тэрмін да шасці месяцаў, вызваленне ад пасады.

З улікам новага заканадаўства аб дзяржаўнай службе адкарэкціраваны памеры службовых акладаў намеснікаў старшынь і суддзяў вышэйшых судовых інстанцый.

Такім чынам, забяспечана аднастайнасць прававога рэгулявання дзейнасці суддзяў як дзяржаўных служачых.