Подпишитесь на нашу ежедневную рассылку с новыми материалами

Общество


У Мінску мінулай раніцай па тэлефоне "02" пазваніў невядомы і паведаміў, што ў СШ нумар 175 па вуліцы Лесі Украінкі закладзена выбуховае ўстройства. Як паведамілі карэспандэнту БЕЛТА у аддзеле інфармацыі і грамадскіх сувязей ГУУС, у ходзе праведзенага комплексу мерапрыемстваў устройства не выяўлена.

Аб мініраванні гэтай школы ў кастрычніку невядомы тройчы званіў у міліцыю. Цяпер супрацоўнікам Цэнтральнага РУУС пашанцавала: зламысніка затрымалі. Ім аказаўся 12-гадовы вучань 6-га класа гэтай школы. У ходзе папярэдняга следства ўстаноўлена, што ранейшыя паведамленні аб мініраванні школы 5, 9 і 12 кастрычніка таксама былі зроблены ім.

У ГУУС таксама паведамілі, што малалетні хуліган за год вучобы ў сталічнай школе (у Мінск ён нядаўна пераехаў з маці і братам) учыніў шэраг іншых злачынстваў: згвалтаванне, тры кватэрныя крадзяжы, збіванне аднакласнікаў. Аднак усякі раз, улічваючы ўзрост, яго да адказнасці не прыцягвалі. Цяпер будуць прыняты больш жорсткія меры. Магчыма, малалетні злачынец паедзе прадаўжаць вучобу ў магілёўскую спецшколу.