Подпишитесь на нашу ежедневную рассылку с новыми материалами

Общество


Цягам двох дзён візыту Харадзі зьбіраецца выканаць вельмі напружаную праграму. Натуральна, што, як і кожны больш- менш значны госьць, ён сустрэнецца з Лукашэнкам. Акрамя таго, заплянаваныя перамовы з прэм'ерам Уладзімерам Ярмошыным, старшынём Савету бясьпекі Ўралам Латыпавым і, натуральна, зь міністрам замежных справаў Міхаілам Хвастовым.

Іран - адна з краінаў, з кіраўніцтвам якой беларускі лідэр лёгка знаходзіць агульныя інтарэсы. Нядаўна ў Іране былі - для параўнаньня - арыштаваныя ўдзельнікі дэлегацыі за тое, што абмяркоўвалі ў Бэрліне праблемы інтэграцыі сваёй краіны ў міжнародную супольнасьць.

Санкцыі міжнароднай супольнасьці супраць Ірану былі часткова зьнятыя летась. Цяпер міжнародныя прадстаўнікі пільна адсочваюць супрацоўніцтва паміж Іранам і Расеяй. Бо ёсьць падазронасьць, што Іран займаецца распрацоўкамі па стварэньні ўласнай ядзернай зброі.

Пад час візыту Камаля Харадзі ў Менск плянуецца абмеркаваць, як Іран і Беларусь будуць падтрымліваць адзін аднаго ў міжнародных арганізацыях. Наўрад ці наша краіна атрымае сур'ёзную падтрымку, бо Іран уваходзіць толькі ў ААН і Рух недалучэньня. Праўда, беларуская падтрымка ў міжнародных арганізацыях будзе ня значна большая.

У праграме візыту Камаля Харадзі ў Менск таксама прысутнасьць на імпрэзе адкрыцьця амбасады Ірану ў Беларусі. Дарэчы, беларускае прадстаўніцтва ў Іране працуе з 1997 году.

Аліна Ісакоўская

Радыё Рацыя