1. Мужчина, который попал на видео с медвежонком, о случившемся: «Хотел как лучше, а вышло, что виноват»
  2. Врач объясняет, когда выпивать два дня — это уже запой и как быстро человек может спиться
  3. Не до покупок. В Беларуси заметно сократился розничный товарооборот
  4. Девушка Роналду — модель с невероятными формами. Вы удивитесь, узнав, чем она занималась до встречи с ним
  5. Вместо Земфиры — Моргенштерн. Организаторы «Вёски» — о возврате билетов и новом лайнапе
  6. «Переворот планировался на 9 мая». В ФСБ России прокомментировали задержание Зенковича и Федуты в Москве
  7. «Шахтер» выдал абсолютно лучший старт в чемпионате Беларуси по футболу за свою историю
  8. Белорус заочно получил пожизненное за убийство французских миротворцев. Рассказываем, что известно
  9. «Нормализация отношений невозможна, пока не прекратится насилие». Макей встретился с послами Германии и Франции
  10. «Попытка восстановить легитимность». Эксперты — о «заигрывании с Баку» и будущей встрече с Путиным
  11. Как скручивают пробеги у машин из Европы: вопиющие примеры и советы специалистов
  12. «В больнице плакал и просил прощения». Поговорили с женой Виктора Борушко, которому дали 5 лет колонии
  13. «Это недопустимо». Григорий Василевич — об идее ограничить возраст для голосования 70 годами
  14. Почему начало глаукомы легко пропустить? Врач рассказывает про опасное заболевание глаз
  15. «Два раза смотрел потом». Лукашенко прокомментировал «шпионский» фильм «Манкурты»
  16. «Переболел COVID-19 и вернулся». История 92-летнего фельдшера, без которого в деревне никак
  17. Лукашенко обвинил американские спецслужбы в подготовке покушения на него и сыновей
  18. «Свое надо есть, из нашей земли, а не какое-то заморское». Лукашенко порассуждал о борьбе с вирусами
  19. «Ну ты же понимаешь о последствиях». Работники рассказали, по сколько сбрасывались на субботник
  20. Врач — о симптомах хламидиоза и том, как им можно заразиться
  21. Туктамышеву называют новой примой российского фигурного катания. Только взгляните, как она хороша
  22. Тима Белорусских о дочери: «Она скрывалась ради образа мальчика с разбитым сердцем»
  23. «Мы не гоняемся за сложными рецептурами». На Белинского открылась кондитерская Mousse
  24. На «Гомсельмаше» рассказали про 400 вакансий, приглашение россиян на работу и зарплаты выше 3600 рублей
  25. В Беларуси рванули цены на курицу, свинину, картошку, сладости, пиломатериалы и туристические услуги
  26. «Оказалось бы, что Минск — древний азербайджанский город». Бывший президент Армении раскритиковал Лукашенко
  27. В прокате — «Чернобыль» Данилы Козловского. Что с ним не так?
  28. Власти взялись за лопаты и грабли. Кто и где трудился на субботнике
  29. Школьный друг Виктора Бабарико уже 10 месяцев в СИЗО КГБ. Вот что рассказывает об этом его брат
  30. Склепы с останками ребенка и взрослого обнаружили при прокладке теплотрассы в центре Могилева


Ніна ІЗОХ,

Атрымалася, як заўсёды. Рыхтаваліся, рыхтаваліся да работы ў зімовых умовах, прымалі шэраг мер, дакладвалі аб гатоўнасці ў розныя інстанцыі. І што маем?

Сёлета Беларусь на зімовы час не пераходзіла, стрэлкі гадзінніка не пераводзілі. Таму раніца – у поўнай цемры. Ідзём на працу, вучобу, малых у дзіцячы садок адводзім задоўга да світання. Да такіх умоў, як высветлілася, аказаліся не зусім гатовымі. У заложнікі цемры трапілі вучні гарадской СШ № 2 і безліч людзей, якія працуюць у арганізацыях гэтага мікрараёна.

А тут побач – міжшкольны вучэбна-вытворчы камбінат, дзе навучаюцца не толькі старшакласнікі з усіх школ раёна, але па вечарах – і дарослыя на розных курсах; рэдакцыя "Сцяга Саветаў", аддзел па кінавідэаабслугоўванні ЦКС, магазін райпа, майстэрні і вытворчая база аграрна-тэхнічнага каледжа і інш. Сюдой пралягае шлях студэнтаў каледжа, насельніцтва, якія жывуць у прыватным сектары заходне-паўночнай часткі Клічава, работнікаў УКП "Жылкамгас", бо непадалёк яго вытворчая база, і г.д.

Дзіўна, але на частцы завулка Пугачова да гэтага часу не ўстаноўлена лінія вулічнага асвятлення. Вось і прыходзіцца цяпер, у самую цёмную пару года, малым і дарослым спадзявацца хіба на сваю інтуіцыю, каб у гэтых "жмурках" не зачапіцца за штосьці на дарозе і не набіць сінякоў, тым больш не патрапіць пад колы аўтамабіля. Вось як бачаць праблему:

"Скрыжаванне Сацыялістычнай і завулка Пугачова ўвогуле не асвятляецца"

Андрэй ЮРКАВЕЦ, начальнік аддзялення Дзяржаўтаінспекцыі РАУС, і Валерый СУКОРА, старшы інспектар гэтай службы:

– Трывогу аб асвятленні падходаў, пад’ездаў да СШ № 2, іншых арганізацый гэтага раёна б’ем не першы год. Але і сёння няма вулічнага асвятлення па завулку Пугачова да самага скрыжавання з вуліцай Сацыялістычнай, што міма каледжа, стадыёна ідзе да шматпавярховак. На гэтым участку ўстаноўлена 7 слупоў асвятлення, пастаянна ліхтары гараць толькі на 4. Ды і тыя тусклыя, толькі і відаць, што нешта блішчыць на слупе. А скрыжаванне Сацыялістычнай і завулка Пугачова ўвогуле не асвятляецца. Між тым скрыжаванні – гэта месцы пешаходных пераходаў, і ёсць строгае патрабаванне Правіл дарожнага руху аб абавязковым іх асвятленні. Тут у поўнай цемры гадзін з 7 раніцы – інтэнсіўны рух. Ідуць сотні пешаходаў, едуць дзясяткі машын і веласіпедыстаў. Вадзіцелі адзін аднаго асляпляюць святлом фар. Пешахода ў такой сітуацыі цяжка заўважыць, асабліва калі ён не пазначыў сябе ў цемры флікерам. Сітуацыя ўзмацняецца і тым, што на гэтым участку няма тратуараў. Чаго чакаем?

"Малым прыходзіцца пераадольваць шлях па ледзь асветленаму ўчастку"

Таццяна Вікенцьеўна БЕЛАБАРОДАЯ, дырэктар СШ № 2:

– У нашай школе зараз займаецца 400 вучняў, каля 30% іх жывуць у шматпавярховых дамах па вуліцах Сацыялістычнай, Крываноса, завулку Садовым і інш. Урокі пачынаюцца ў 8 гадзін раніцы. Як дабіраюцца дзеці ў школу? Да нядаўняга часу хадзілі напрамкі праз двор майстэрняў каледжа і па тэрыторыі раённай бальніцы. Цяпер праходы па гэтых ведамасных тэрыторыях забаронены. Малым прыходзіцца пераадольваць шлях па ледзь асветленаму ўчастку Сацыялістычнай (уздоўж парка каледжа) і зусім неасветленаму ўчастку завулка Пугачова (на апошнім тратуара няма). Жадае быць лепшым асвятленне нашай установы і збоку вуліц Піянерскай, Першамайскай. Ды і само вонкавае асвятленне школы – гэта дзве лямпачкі над яе ўваходнымі дзвярамі. На тэрыторыі збоку школьнага стадыёна слупы ўстаноўлены, але асвятленне не функцыянуе, сама меней апошнія 5 гадоў. У цемры і нашы гаражы, склады, месца для школьнага катка. Будзе мароз, мы яго абсталюем, зальём. А як дзецям там катацца? І яшчэ. Група падоўжанага дня працуе ў нашай школе да 17.30, спартыўная зала – да 21 гадзіны, кожны суботні вечар праводзім школьныя дыскатэкі.

"Адно дзіця адпраўляць на заняткі проста небяспечна" 

Алена ВАЙТУСЁНАК, маці вучня 1 "В" класа СШ № 2:

– Ад вуліцы Палявой да школы няблізка. Адно дзіця адпраўляць на заняткі проста небяспечна. Носяцца бадзяжныя сабакі, асвятленне нашага аддаленага прыватнага сектара жадае быць лепшым. Так як і дарога, быццам і тратуары месцамі ёсць, але яны раз-пораз плаўна пераходзяць у лужыны. Таму ў школу і са школы сына важу на сваёй машыне. А каля школы таксама не лепш. Кожны, хто мае магчымасць, стараецца сваё дзіця падвезці. Завулак Пугачова з двух бакоў застаўляецца аўтамабілямі, паркоўкі ж тут няма. Кругом дзеці, якія ў цемры спяшаюцца ў школу і асаблівай увагі на машыны ўвогуле не звяртаюць. Тут і да бяды недалёка. Мы, бацькі, просім прыняць меры: пашырыць вуліцу, абсталяваць як след тратуар, зрабіць для машын аўтастаянку, устанавіць ліхтары.

"Бачылі, што людзі тут спатыкаюцца, падаюць"

Алена, Кацярына, Святлана,старшакласніцы СШ № 2:

– Цікава, ці хадзілі хоць аднойчы нашы чыноўнікі па тратуары па вуліцы Сацыялістычнай ранкам ці ўвечары? Тыя ліхтары, што на слупах праз адзін, толькі называецца, што асвятляюць. Па-першае, іх святло ледзь-ледзь бачнае, па-другое, павернуты яны на праезную частку, а тратуар – у адваротным баку праз некалькі метраў. Так што святло тое наогул да яго і не трапляе, ідзі, куды хочаш, хоць па азімуту. Бачылі, што людзі тут спатыкаюцца, падаюць. Было, што і мы абцасы ламалі. У дождж кругом лужыны, прыходзіцца абыходзіць, ісці па праезнай частцы…

Ад рэдакцыі: праблема, узнятая нашымі чытачамі, заслугоўвае пільнай увагі ўсіх зацікаўленых службаў. Сапраўды, мікрараён шматлюдны, лічы, у самым цэнтры горада, а вось для нармальнай жыццядзейнасці зусім не прыстасаваны. І самае галоўнае, што тут знаходзіцца школа, якую наведваюць дзеці. Не ў кожнага з бацькоў ёсць магчымасць, як у Алены, падвезці сына ці дачку да яе на машыне. Большасць дабіраецца пешшу. І толькі ад нас, паважаныя дарослыя, залежыць, наколькі гэты шлях будзе бяспечным. Бо ніякай нястачай грашовых сродкаў мы не зможам апраўдацца, калі, крый Божа, здарыцца трагедыя. Зразумела, што сёлета выправіць становішча ўжо не ўдасца, але ж будуць яшчэ наступныя зімы. Таму трэба зрабіць правільныя вывады і добраўпарадкаваць гэту частку завулка Пугачова і для сённяшніх, і для будучых клічаўлян. 
-5%
-20%
-49%
-20%
-25%
-24%
-15%
0073023