Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Популярное

Общество


Фэдэрацыя Прафсаюзаў Беларуская прапануе зь 1 лютага новы памер тарыфнай стаўкі 1-га разраду. Як вядомы герой зь пісанаю торбаю, па ўсіх мэдыях шматразова пры канцы мінулага году тыражавалася інфармацыя пра падвышэньне заробку працаўнікам бюджэтнай сфэры. Чым абярнулася тое прадвышэньне на практыцы? Адмыслоўцы Фэдэрацыі Прафсаюзаў Беларускай цьвердзяць, што гэтая захада мела розныя наступствы.

Сапраўды, самыя малааплатныя працаўнікі заўважылі намінальнае й рэальнае падвышэньне свайго заробку: нагадаем, што рашэньне пра ўвядзеньне падвышаных каэфіцыентаў да заробку датычыла работнікаў ад 1-га да 19-га тарыфных разрадаў. Але пачынаючы з 20-га разраду, назіраецца падзеньне рэальнага заробку. Найбольш яскрава ўрадавае "падвышэньне" аплаты працы відаць на прыкладзе працаўнікоў, тарыфікаваных 28-м - самым высокім - разрадам. Заўважым, што іх на Беларусі няшмат, каля 70 чалавек. Разьлікі паказваюць, што іхны заробак пасьля "падвышэньня" стаў на 13% меншы, чымся да "падвышэньня".

Калі сытуацыя бліжэйшым часам ня зьменіцца, то ў студзені й лютым у прыбытках насельніцтва будзе "правал", выкліканы высокім узроўнем інфляцыі. Індэкс росту спажывецкіх коштаў у сьнежні быў 5,1%. За студзень-люты, верагодна, ён складзе 5-5,5%. Заўважым, што дзяржчыноўнікаў прагназавалі зусім іншыя лічбы - 2,5-3%. Але яны нерэальныя, - лічаць у ФПБ, - і тлумачаць чаму. У аснове коштаў на спажывецкія тавары ляжаць кошты на прадукцыю вытворча-тэхнічнага празначэньня. А яны расьлі хутчэй за кошты спажывецкага сэктару. Як толькі тэхнічная прадукцыя прыйдзе на вытворчасьць спажывецкіх тавараў, то дасьць усплёск коштаў тавараў на спажывецкім рынку. Нельга чакаць у хуткім часе зьніжэньня кошту на спажывецкія тавары - гэта самападман.

Таму, прагназуючы зьніжэньне рэальных даходаў насельніцтва ў студзені-лютым, ужо цяпер прафсаюзы выходзяць з прапановаю ўвесьці зь 1 лютага новы памер стаўкі 1-га разраду й адначасова рэфармаваць гэты нарматыў. Рэч у тым, што цяпер стаўка 1-га разраду - сума нязначная - 7.200 руб. Да яе ўведзены каэфіцыент 1,4 і фіксаваная даплата - 10.000 руб. Увогуле па 1-м разрадзе працаўнікі атрымліваюць каля 23.000 руб. ФПБ прапануе й лічыць гэтыя 23.000 руб. стаўкаю 1-га разраду, а з улікам чаканай інфляцыі прапануе ўвесьці зь 1 лютага тарыфную стаўку 1-га разраду памерам 27.000 руб. А пакуль атрымліваецца, што розьніца ў тарыфных стаўках нізка- й высокакваліфікаваных работнікаў вельмі малая, што, на думку намесьніка старшыні ФПБ Франца Вітко, не спрыяе заахвочваньню да высокакваліфікаванай працы.

Ф.Вітко: - Мне кажется, что в оплате труда много перекосов. По сути зарплата превращается в социальное пособие, не учитывающее количество и качество труда. Сегодня фактическая тарифная оплата труда по 1-му разряду отличается от оплаты труда по 28-му - самому высокому - не в 8 раз, как предусматривает Единая тарифная сетка, а только в 2,5 раза. Сегодня незачем сушить мозги, повышать свою квалификацию, если, работая дворником и убирая два подъезда, будешь получать практически ту же тарифную часть, что и человек самой высокой тарифной квалификации, которую возможно оценить по нашей тарифной сетке.

А пакуль урадоўцы будуць думаць над прапановаю прафсаюзаў, Дзяржкамстат прынёс новую статыстыку памераў сярэдняга заробку ў Беларусі: у сьнежні 2000 г. ён склаў амаль 92.000 руб., ці $74. Да абяцаных А.Лукашэнкам $100 засталося 7 месяцаў і $26.

Алесь Хмяльніцкі

Радыё Рацыя