Подпишитесь на нашу ежедневную рассылку с новыми материалами

Общество


Прарэктар па рабоце з замежнымі студэнтамі Фёдар Шкіранда падкрэсьліў, што парада ўстрымацца ад паездак на радзіму з прычыны небясьпекі атыповае пнэўманіі была ўсяго толькі пажаданьнем, а не распараджэньнем. Аднак кітайскія студэнты да яе прыслухаліся, і ўжо нават здалі набытыя загадзя авіябілеты.

Сваякі з Кітаю таксама раяць студэнтам застацца летам у Беларусі ды перачакаць небясьпеку тут. А разам падвучыць і расейскую мову, бо васямнаццаць з трыццаці кітайскіх студэнтаў прыехалі ў Віцебск адмыслова на моўную стажыроўку – каб потым навучацца ў беларускіх ды расейскіх ВНУ.

Тым болей, што й мажлівасьці для моўнае практыкі неўзабаве пашырацца: у Віцебску мае адчыніцца кітайская рэстарацыя, куды кітайскія студэнты плянуюць улетку ўладкавацца на працу.

Браніслава Станкевіч, Віцебск