Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345

Общество


8 траўня камітэт у міжнародных справах амэрыканскага Кангрэсу прагаласаваў за ўключэньне Акту аб дэмакратыі ў Беларусі ў законапраект аб напрамках зьнешняй палітыкі ЗША. Наступным днём суаўтар Акту аб дэмакратыі ў Беларусі кангрэсмэн Крыстафэр Сьміт выступіў у ніжняй палаце кангрэсу з прамовай, прысьвечанай сытуацыі з правамі чалавека ў Беларусі й Чачэніі.

На самым пачатку свайго выступу Крыстафэр Сьміт нагадаў аб тым, што 17 красавіка сёлета Камісія ААН па правах чалавека прагаласавала за рэзалюцыю адносна Беларусі. Гэтая рэзалюцыя, ініцыяваная ЗША, заклікае беларускія ўлады цалкам і аб’ектыўна расьсьледаваць інфармацыю аб датычнасьці вышэйшых дзяржаўных чыноўнікаў Беларусі да выкраданьня вядучых апазыцыйных асобаў і журналіста. У гэтай сувязі Крыстафэр Сьміт заявіў:

(Сьміт: ) "Я ўважліва сачыў за сытуацыяй ў Беларусі і ўсё больш пераконваўся ў нежаданьні беларускага рэжыму рэальна расьсьледаваць выпадкі зьнікненьняў. Тут, у Вашынгтоне, а таксама на сэсіях Парлямэнцкай асамблеі АБСЭ ў Парыжы й Бэрліне я сустракаўся з жонкамі бязь вестак зьніклых беларускіх апазыцыянэраў. Гэтыя людзі выклікалі агромністае спачуваньне. Выпадкі са зьнікненьнем і, як мяркуецца, забойствам іхных мужоў у 1999 і 2000 гадах як мага лепш дэманструюць прыроду рэжыму беларускага дыктатара Аляксандра Лукашэнкі, які мае найгоршы ў Эўропе паказчык у галіне правоў чалавека на сёньняшні момант".

Кангрэсмэн Сьміт паведаміў далей, што Акт аб дэмакратыі ў Беларусі, які быў прыняты Камітэтам у міжнародных справах у якасьці разьдзелу адпаведнага Закону дзярждэпартамэнту ЗША, прадугледжвае прыняцьцё санкцыяў супраць беларускага рэжыму да таго часу, пакуль ня будуць выкананыя пэўныя ўмовы, у тым ліку поўная справаздача адносна трагічных зьнікненьняў.

Крыстафэр Сьміт падкрэсьліў: "Беларускі народ заслугоўвае жыць у грамадзтве, у якім паважаюцца дэмакратычныя прынцыпы і правы чалавека, а таксама захоўваецца вяршэнства закону. Таму я лічу, што прыняцьцё рэзалюцыі Камісіі па правах чалавека ААН ёсьць важным крокам у гэтым кірунку".

Віталь Тарас, Прага