1. Как скручивают пробеги у машин из Европы: вопиющие примеры и советы специалистов
  2. Девушка Роналду — модель с невероятными формами. Вы удивитесь, узнав, чем она занималась до встречи с ним
  3. «Попытка восстановить легитимность». Эксперты — о «заигрывании с Баку» и будущей встрече с Путиным
  4. «Настроения упаднические». Работники «Белмедпрепаратов» сообщают об увольнениях из-за политики
  5. «Оказалось бы, что Минск — древний азербайджанский город». Бывший президент Армении раскритиковал Лукашенко
  6. Где в Беларуси численность населения падала, а где росла? Посмотрели статистику по регионам
  7. Врач объясняет, когда выпивать два дня — это уже запой и как быстро человек может спиться
  8. Переговоры с Мишустиным и новые законы. Что происходит в Беларуси 16 апреля
  9. «Переболел COVID-19 и вернулся». История 92-летнего фельдшера, без которого в деревне никак
  10. Белорус заочно получил пожизненное за убийство французских миротворцев. Рассказываем, что известно
  11. «Это недопустимо». Григорий Василевич — об идее ограничить возраст для голосования 70 годами
  12. «В больнице плакал и просил прощения». Поговорили с женой Виктора Борушко, которому дали 5 лет колонии
  13. В выходные чуть потеплеет, на следующей неделе — похолодание и дожди
  14. Разбираемся с подержанными «китайцами». Что интересного можно купить?
  15. Врач — о симптомах хламидиоза и том, как им можно заразиться
  16. На «Гомсельмаше» рассказали про 400 вакансий, приглашение россиян на работу и зарплаты выше 3600 рублей
  17. В прокате — «Чернобыль» Данилы Козловского. Что с ним не так?
  18. «Вы будете петь вместе с ангелами, и твой голос будет звучать, как всегда, ярко». В Минске простились с Леонидом Борткевичем
  19. «Мы не гоняемся за сложными рецептурами». На Белинского открылась кондитерская Mousse
  20. Дух захватывает. Что видно с крыши в центре Минска, где сегодня презентовали высотный огород?
  21. «Белнефтехим» рассказал, насколько подорожает топливо до конца года
  22. «Я решил отвечать соразмерно». Байден заявил, что выбрал мягкий вариант санкций против России
  23. Вместо Земфиры — Моргенштерн. Организаторы «Вёски» — о возврате билетов и новом лайнапе
  24. Туктамышеву называют новой примой российского фигурного катания. Только взгляните, как она хороша
  25. Курсы доллара и евро заметно упали. Что происходит на валютном рынке
  26. Суд приговорил музыканта Тиму Белорусских к двум годам «домашней химии»
  27. Премьер-министр России в Минске: налоговая интеграция и анонс встречи Лукашенко и Путина
  28. «Падает мотивация платить налоги». Белорусы плохо разбираются в бюджете. Вот к чему это может приводить
  29. Склепы с останками ребенка и взрослого обнаружили при прокладке теплотрассы в центре Могилева
  30. «Однажды ночью мой грузовик ограбили». История Натальи, которая в 40 лет стала дальнобойщицей


Фінансавы крызіс ударыў і па планах дэмаграфічнага выбуху ў нашай краіне. Месячнай “дзіцячай” дапамогі пасля абясцэньвання нашага рубля цяпер хапае на дзве пачкі якасных памперсаў.

"Вырашайма дэмаграфічную праблему!" — заклікаюць чыноўнікі ўсіх узроўняў. Па тэлевізары бадзёранька рапартуюць, што дзяржаўная дапамога бацькам першага, другога і тым больш пятага дзіцяці няўхільна павялічваецца. Але мала нарадзіць, трэба выгадаваць, выхаваць і дагледзець хаця б адно дзіця. Дапамога дзяржавы пры гэтым будзе заключацца ва ўмоўна бясплатным медыцынскім абслугоўванні, вылучэнні месца ў дзіцячым садку, а таксама ў фіксаванай выплаце дапамогі па доглядзе за дзіцем да 3 гадоў: з 1 мая 2011 года гэтая дапамога складае 343 260 рублёў (з 1 лютага па 30 красавіка было 296 870 рублёў).

Паколькі афіцыйная статыстыка міла забываецца суаднесці намінальную дапамогу бацькам з рэальнымі выдаткамі, то зробім гэта самастойна.

Дзеля большай аб'ектыўнасці параўнаем, на што хапала "дзіцячых" грошай да фактычнай дэвальвацыі рубля, і што на іх можна набыць сёння.

Харчаванне

Шчаслівыя тыя бацькі, чыё дзіця абсалютна здаровае і корміцца грудным малаком: да 4—6 месяцаў немаўляці ў спісе іх выдаткаў пункт "харчаванне" адсутнічае ўвогуле. Іншая справа, калі дзіцяці патрэбны штучныя сумесі: адзін пачак малочнай сумесі беларускай вытворчасці каштуе ад 8 да 19 тысяч беларускіх рублёў, замежнай — 20—40 тысяч рублёў; для "праблемных" дзетак (з алергіяй, непрымальнасцю пэўных кампанентаў малака) давядзецца выкласці па 30—100 тысяч за пачак (на месяц іх трэба 3—6).

З узростам растуць і выдаткі. Так, 1 слоік дзіцячага пюрэ з садавіны ці агародніны каштуе ад 1870 (фіксаваная цана беларускага вытворцы) да 6 тысяч рублёў, мясная і рыбная кансервы — ад 2 да 9 тысяч. На месяц дзіцяці да года патрэбна як мінімум 15 мясных і рыбных кансерваў, ад 30 да 50 слоікаў пюрэ ды яшчэ 2—5 пачкаў кашы ад 5700 да 20 тысяч за пачак, плюс адмысловыя кісламалочныя прадукты, сок, яйкі, свежая садавіна і г.д. За месяц дзіцячае харчаванне падаражэла як мінімум на 200—500 рублёў за слоік/пачак, а некаторыя замежныя маркі ўвогуле зніклі з прылаўкаў крам.

Безумоўна, можна самім гатаваць дзіцяці ежу. Прыкінем: кілаграм брокалі і квяцістай капусты сёння каштуе 13—15 тысяч (месяц назад — 8—9), яблыкаў — 7500 — 13 000, груш — 10 000—17 000 і г.д., без уліку расходу вады, электрычнасці і мамінага часу на кухні.

Асабістая арыфметыка

Яшчэ 2 месяцы назад можна было накарміць дзіця выключна фабрычным харчаваннем абранага вытворцы; цяпер на гэта спатрэбіцца не менш як 200 тысяч, або 2/3 ўсяго "дзіцячага" бюджэту.






Адзенне, абутак 


Як правіла, "пасаг" немаўлятам яшчэ да нараджэння збіраюць бацькі і бабулі-дзядулі, а далей уступае ў сілу кругазварот дзіцячых рэчаў у прыродзе і абмен са знаёмымі ды сябрамі. І гэта літаральна выратоўвае, бо на дзіцячую вопратку можна непрыкметна спусціць мільёны. Другі шлях адчувальнай эканоміі — сэканд-хэнд. Што да абутку, то, прыкладам, сандалі беларускай вытворчасці ў крамах каштуюць ад 40 тысяч, расійскай — ад 80 да 100 тысяч, адмысловы артапедычны абутак яшчэ больш дарагі.

Асабістая арыфметыка

Цёплы дзіцячы камбінезон, які ў крамах каштаваў 250—300 тысяч рублёў, у сэкандзе абышоўся ў 60.





Гігіена 

Адзін з прадметаў ажыятажу сёлета — дзіцячыя падгузнікі, дакладней, самыя папулярныя ў бацькоў Pampers, якія ў сувязі з валютнымі праблемамі на пэўны час увогуле зніклі з продажу, а потым з'явіліся па касмічнай цане. Памперсы, якія ў красавіку каштавалі 68 тысяч за пачак (70 штук), цяпер можна набыць за 135—140 тысяч. Што да іншых марак, то і сярод іх танней за 30 тысяч за 20 падгузнікаў не знойдзецца. Штодня ж іх трэба некаму ўсяго 2, а некаму і 16. Ды вільготныя сурвэткі — ад 10 тысяч за ўпакоўку, і крэм пад падгузнік (як мінімум 5—7 тысяч).

Каб скараціць і гэты артыкул выдаткаў, трэба раскашэліцца на пральны парашок (ад 10 тысяч за пачак, які месяц назад каштаваў 6—8 тысяч), кандыцыянер для бялізны (10—15 тысяч, месяц назад — 6—12), мноства пялёнак або марлю, ваду, электраэнергію і нікім не ўлічаны мамін час.

Асабістая арыфметыка

Месяц назад дзіцячай выплаты хапала на 3 пачка якасных памперсаў, цяпер — на 2, але тады малое застанецца без ежы.






Здароўе 

Паўторымся: шчаслівыя тыя бацькі, у каго дзіця абсалютна здаровае. Але нават ім рана ці позна педыятры прапішуць кропелькі "ад жывоціку", вітаміны, сродкі для лячэння дысбактэрыёзу, насмарку, алергічных праяў і г.д. Добра, калі гэтымі дробязямі і планавымі візітамі стасункі з бюджэтнай медыцынай і абмяжуюцца. Выдатна, калі ваша дзіця без праблем пераносіць прафілактычныя прышчэпкі, і няма неабходнасці набываць платны комплекс (цэны істотна адрозніваюцца ў залежнасці ад патрэбнай вакцыны). Цудоўна, калі вам не прызначаць тэрміновы масаж: калі бясплатна, то чаргі ў паліклініцы вам давядзецца чакаць 3—5 месяцаў, калі звернецеся да прыватных масажыстаў, якія бяруць 10 умоўных (як ніколі ўмоўных) адзінак за сеанс. Курс масажу — 10 сеансаў, у асабліва запушчаных выпадках 10 у.а. ператвараюцца ў 12—15, а долары — у еўра. Канчаткова можна лічыць сябе шчасліўчыкам, калі пашанцуе з урачамі ў дзіцячай паліклініцы, і тройчы — калі для дзіцяці (цьфу-цьфу) не спатрэбіцца шукаць рэдкіх спецыялістаў або рабіць яму дарагія аперацыі...

Асабістая арыфметыка

У красавіку "дэкрэтных" грошай хапала на курс масажу для дзіцяці, па майскіх расцэнках — толькі на 4 сеансы.






Іншае 

Зрэшты, на гэтае "іншае" — разнастайныя цацкі і развіццёвыя элементы, забавы і ласункі, касметычныя сродкі — практычна нічога не застаецца. На дзяржвыплату дзіця можна або накарміць, або апрануць, і тое часткова.

Мусім нагадаць, што пасля года выдаткі на дзіця ідуць як на паўнацэннага дарослага чалавека, а бацькам даводзіцца або забыцца на ўласныя патрэбы, або паддацца тэлепрапагандзе і тэрмінова нарадзіць чацвярню ды чакаць бясплатную кватэру або шукаць няньку (ад 5—10 тысяч да 3—5 долараў за гадзіну) і працаваць абодвум, разлічваючы толькі на ўласныя сілы.

Асабістая арыфметыка

Яшчэ два тыдні назад за "дзіцячыя" грошы можна было набыць новенькую каляску-"тростачку", цяпер — палову новай або істотна патрыманую

.






Даведка:

На перыяд з 1.05. да 31.07.2011 г. у Беларусі вызначаны наступныя памеры дзяржаўных выплат:

- адначасовая дапамога ў сувязі з нараджэннем дзіцяці — 1 716 300 рублёў;

- адначасовая дапамога пры нараджэнні другога і наступных дзяцей — 2 402 820 рублёў;

- адначасовая дапамога жанчыне, якая стала на ўлік у медустанове да 12-тыднёвага тэрміну цяжарнасці — 343 260 рублёў;

- штомесячная дапамога на дзяцей да 3 гадоў для маці-адзіночак — 600 710 рублёў;

- дапамога па доглядзе за дзіцем-інвалідам ва ўзросце да 18 гадоў — 223 120 рублёў. 

Вікторыя Пракаповіч, маці аднагадовай Дашы
-10%
-25%
-40%
-12%
-10%
-20%
-80%
-25%
-50%
-5%
-20%
0070970