Подпишитесь на нашу ежедневную рассылку с новыми материалами

Общество


Менскае ўпраўленьне прадпрыемстваў камунальнага абслугоўваньня плянуе на гэт год шэраг мерапрыемстваў з мэтай зьменшыць альбо абясшкодзіць побытавыя выкіды, якія выпрацоўвае горад. Праблема перапрацоўкі сьмецьця набывае ўсё большую актуальнасьць: штогод у Менску назапашваецца 600 тысячаў тон выкідаў. У сувязі з гэтым было прынятае рашэньне аб новай тэхналёгіі перапрацоўкі сьмецьця. Зь некалькіх магчымых тэхналёгіяў (прэсаваньне альбо спальваньне) была выбраная самая танная. Аднак і яна абыйдзецца ў 700 тысячаў даляраў - столькі каштуе прэс для сьмецьця, які будзе ўсталяваны сёлета на заводзе "Экорез". Пакеты са спрэсаваным сьмецьцем будуць вывозіцца на палігон у Шабанах. Пасьля такой апрацоўкі ня будуць вылучацца непрыемныя пахі, якія суправаджаюць звычайныя сховішчы сьмецьця. Акрамя таго, плянуецца ўвесьці разьдзельны збор сьмецьця, аднак пакуль што толькі ў прыватным сэктары. У горадзе адкрыецца яшчэ некалькі пунктаў збору другаснай сыравіны.

BARC List NEWS
,