Подпишитесь на нашу ежедневную рассылку с новыми материалами

Общество


У Воранаве пачалі сьвяткаваць 85-я ўгодкі БНР. У пятніцу, 21 сакавіка, сябры суполкі БНФ Воранава Гарадзенскай вобласьці павіншавалі школьнікаў і настаўнікаў райцэнтру зь юбілейнымі ўгодкамі БНР.

Раніцай у мясцовай школе яны распаўсюдзілі віншавальныя паштоўкі з выявамі "Пагоні" і бел-чырвона-белым сьцягам. Падчас перапынку навучэнцы знайшлі іх расстаўленымі на падваконьнях калідораў, ахвотна іх разьбіралі й дарылі настаўнікам.

Перапалоханая адміністрацыя выклікала на пошукі распаўсюднікаў паштовак мясцовых міліцыянтаў. Прыбылі таксама супрацоўнікі раённага аддзелу КГБ, якія праводзілі допыты школьнікаў аж да заканчэньня заняткаў.

Сябры БНФ намерваюцца таксама распаўсюдзіць у горадзе ўлёткі, вывесіць бел-чырвона-белыя сьцягі, а таксама ўвечары 25 сакавіка на гарадзкім пляцы запаліць 85 сьвечак.

Галіна Абакунчык, Менск
0058648