Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345

Общество


У аўторак, 27 студзеня, у Вярхоўным судзе распачаўся суд паводле пазову Таварыства беларускай мовы да Міністэрства юстыцыі. ТБМ патрабуе прызнаць незаконнымі два папярэджаньні Мінюсту.

Першае папярэджаньне Таварыства беларускай мовы атрымала за тое, што падчас акцыі "Размаўляем па-беларуску" на рэклямных улётках да назвы арганізацыі не былі далучаныя словы "Грамадзкае аб’яднаньне." А другое — за тое, што лідзкая філія ТБМ нібыта незаконна ўсталявала крыж на месцы бітвы войскаў ВКЛ з расейскімі захопнікамі, хоць на гэта далі дазвол мясцовыя ўлады. У ТБМ лічаць, што і першае, і другое папярэджаньні не вытрымліваюць крытыкі ні зь юрыдычнага, ні маральнага гледжаньняў.

Гаворыць намесьніца старшыні таварыства Людміла Дзіцэвіч:

(Дзіцэвіч: ) "Гэта прэцэдэнт і юрыдычнай, і гістарычнай недасканаласьці: паставілі крыж у гонар шляхціцаў, якія баранілі нацыю, мову й культуру. За гэта трэба ордэн даваць, а мы судзімся".

Старшыня ТБМ Алег Трусаў упэўнены, што гэта палітычны працэс, замоўлены найвышэйшымі ўладамі дзеля закрыцьця таварыства. Гаворыць Алег Трусаў:

(Трусаў: ) "Справа гэта палітычная. У любы момант нас могуць закрыць, і, наколькі я ведаю з канфідэнцыйных крыніцаў, ёсьць пэўныя сілы, якія хацелі б гэта зрабіць яшчэ ўчора".

Толькі летась Міністэрства юстыцыі вынесла 121 папярэджаньне грамадзкім арганізацыям Беларусі. Многія назіральнікі зьвязваюць гэта з набліжэньнем выбараў. Гаворыць кіраўнічка Цэнтру правоў чалавека Вера Страмкоўская:

(Страмкоўская: ) "Роля грамадзкіх арганізацыяў у працэсе выбараў прапісаная ў нашай Канстытуцыі й законах. І немагчыма гэта разглядаць адрозна адно ад другога. Гэта ўсё адно другое дапаўняе, на жаль".

Разгляд пазову ТБМ да Мінюсту судзьдзя Вярхоўнага суду Самойленка перанёс на аўторак, 28 студзеня.

Галіна Абакунчык, Менск