Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345
  • Популярное

Общество


Так званы "канфіскат" — канфіскаваная з розных прычынаў у грамадзянаў маёмасьць — вабіць некаторых беларускіх чыноўнікаў як зручная магчымасьць за мізэрны кошт набыць дарагую рэч. Часам сытуацыя набывае абсурдныя формы, калі паляваньне на прывабныя рэчы пачынаецца сярод высокіх чыноўнікаў яшчэ да таго, як гэтыя рэчы адбяруць у былых гаспадароў.

Сытуацыі, калі пакупнікі рэдкіх для Беларусі іншамарак сутыкаюцца з праблемамі падчас іх рэгістрацыі, а потым і канфіскацыяй сваіх аўтамабіляў, робяцца тэндэнцыяй.

Аляксандар Юркоў у сакавіку набыў у суседняй Літве аўтамабіль "Ягуар" — вельмі дарагую і рэдкую для Беларусі мадэль. У менскай ДАІ, калі ўбачылі новенькі "Ягуар", рэгістраваць яго адмовіліся. Матывавалі гэта рознымі прычынамі. Ад Аляксандра патрабавалі розныя даведкі — зь Вялікабрытаніі пра тое, што аўтамабіль "Ягуар" выраблены менавіта там; з паромнай кампаніі пра тое, што менавіта на пароме перавозілі аўтамабіль; зь Фінляндыі, што менавіта ў гэтую краіну ён спачатку трапіў, і яшчэ зь дзясятак даведак.

У выніку ўладальнік зьвярнуўся ў суд, і той абавязаў ДАІ зарэгістраваць аўтамабіль і паставіць на ўлік. У ДАІ аўтамабіль зарэгістравалі, але езьдзіць на ім Аляксандру так і не давялося. На ягоную думку, прычынай стала тое, што новенькі "Ягуар" спадабаўся нейкаму чыноўніку.

(Юркоў: ) "У мяне з самага пачатку склалася ўражаньне, што гэтую машыну падзялілі паміж сабой тыя, хто мае доступ да інфармацыі. І ДАІ, і мытня, і ня ведаю хто яшчэ… Па ўсім было бачна, што яны дзейнічаюць па раней распрацаванай схеме. Начальнік рэгістрацыйнага аддзелу менскай ДАІ спадар Караткевіч так мне і паведаміў: "Я ведаю, што часта такія машыны канфіскуюць. Мы яшчэ паглядзім, што зрабіць з тваёй. Як гэта ты ўмудрыўся набыць такі аўтамабіль?" На "ты". Але ж я ніколі раней гэтага чалавека ня бачыў.

Мяне рыхтавалі да думкі, што я ніколі свой аўтамабіль ня ўбачу. Караткевіч мне паведаміў, што яму трэба параіцца са сваімі сябрамі з Камітэту фінансавых расьсьледаваньняў. ДАІ рабіла ўсё незаконна. Калі я прыехаў на рэгістрацыю нумароў, мяне там чакалі прадстаўнікі рэгіянальнай мытні. Яны сілай запхнулі мяне ў аўтамабіль і адвезьлі за краты свайго складу.

Гэты аўтамабіль пакуль адзіны ў Беларусі й вельмі прыкметны. Калі, ня дай гасподзь, яго канфіскуюць, а потым ён зьявіцца на менскіх вуліцах — будзе зразумела, дзеля каго рабілася ўся гэтая справа і мітусьня".

Як вынік, аўтамабіль пакуль стаіць на складзе зь яшчэ некалькімі рэдкімі іншамаркамі. Некаторыя ўладальнікі страцілі надзею ўбачыць свае аўтамабілі, а іншыя яшчэ змагаюцца за сваю маёмасьць.

Любоў Лунёва, Менск