Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Популярное

Общество


Пачаўся ён 9 лістапада, а завершыцца 13-га. То бок, яшчэ двума вечарамі мінская публіка зможа паглядзець мадэрновыя пластычныя спектаклі, у прыватнасці бута-шоу.

Напачатку пра тое, што такое бута. Гэта рытуальны плаўны танец памінання мёртвых, зносінаў з душамі нябожчыкаў. "Бу" па-японску азначае танец, "та" – таптанне на месцы. Як распавядае Вячаслаў Іназемцаў, кіраўнік тэатра "ИнZест" (раней ён называўся "Жест"), танец бута ўзнік у Японіі ў сярэдзіне 20-га стагоддзя, дакладней пры канцы 50-х гадоў. З канца 70-х гэты танец стаў вядомы і ў Еўропе.

У Беларусі ён быў упершыню паказаны ў 1999 годзе. Тады на сцэне сталічнага Тэатра юнага гледача адбыўся спектакль "Усё месяцовае святло" і ўоркшоп танцораў Юміко Ёшыока і Дэльта Раі. Пасля цягам некалькіх гадоў тэатр Вячаслава Іназемцава паказваў у зале ТЮГа, дзе звычайна праходзяць навагоднія прадстаўленні для дзяцей, адзін з самых папулярных і культавых авангардных спектакляў у найноўшай тэатральнай гісторыі Беларусі – "Ёлка У".

Фестываль "Х-Традыцыя-2002" таксама праходзіць у Тэатры юнага гледача. 12 лістапада на вялікай сцэне ТЮГа можна паглядзець спектакль "Камень", створаны танцорам Ацушы Такенавучы на аснове ўражанняў ад камянёў, пабачаных у часе перформансаў на прыродзе: "Камень ствараўся цягам доўгага-доўгага часу. Народжаны зямлёй, ён утрымлівае ў сабе насенне раслінаў, дробныя істоты і шкілеты жывёлаў. Выкарыстоўваючы карані, сілкуючыся ад сонца і зямлі, дрэўца вырастае ў вялікае высокае дрэва. Але толькі адзінокі маленькі камень можа быць доказам таго, што ўсё ў гэтым свеце злучаецца. Я таньчу мінулае і будучае жыццё гэтага маленькага камяня".

13 лістапада фестываль пластычных тэатраў завершыцца спектаклем "ДКДанс" з элементамі пантамімы, буфанады, танца бута, акрабатыкі і пластычнай імправізацыі ў выкананні тэатра "ИНZЕСТ" і гурта "Плато". "ДКДанс" — абрэвіятура ад "Дома культуры" плюс данс (танец). Ці, калі хочаце, Decadence (заняпад, заняпаднае мастацтва). Гэта каму як падабаецца. Паводле Вячаслава Іназемцава, "гэта гісторыя Карнавала, што ўпаў і спрабуе ўзняцца зноўку. Але гэта не так проста зрабіць, асабліва з хадулямі на нагах".

Зрэшты, стваральнік спектакля дапускае якія заўгодна глядацкія асацыяцыі.

Кірыла ПАЗНЯК

Белорусские новости