Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345

Общество


Інфляцыю й валютны курс Саюзнай дзяржаве павінен вызначаць Цэнтральны Банк Расеі. Функцыі адзінага эмісійнага цэнтру неабходна таксама перадаць Цэнтрабанку Расеі. За галоўным банкам Беларусі застаюцца рэгуляваньне банкаўскай сыстэмы й арганізацыя разьлікаў. Агульная валюта - расейскі рубель - павінна быць ўведзеная ў 2004 годзе. Такія рашэньні прынятыя на паседжаньні Савету Міністраў Саюзнай дзяржавы Беларусі й Расеі ў Маскве.

Паводле расейскага віцэ-прэм'ера, міністра фінансаў Аляксея Кудрына, у будучым Саюзе Беларусь не павінна весьці ўласнае крэдытна-грашовае палітыкі, бо Цэнтрабанк Расеі ў адваротным выпадку ня зможа ўплываць на агульную макраэканамічную сытуацыю. Паводле інфармацыі расейскага віцэ-прэм'ера, грашовая база Беларусі ў 60 разоў меншая за расейскую, а валютныя рэзэрвы ў параўнаньні з расейскімі меншыя ў 104 разы.

На паседжаньні саюзнага Саўміну выступіў таксама й кіраўнік Цэнтральнага банку Расейскай Фэдэрацыі Сяргей Ігнацьеў. Ён заявіў, што функцыі адзінага эмісійнага цэнтру неабходна перадаць Цэнтрабанку Расеі. Пры гэтым ён падкрэсьліў, што прадстаўнікі Беларусі будуць уключаныя ў склад Нацыянальнага банкаўскага савету й Савету дырэктараў ЦБ РФ. Па прапанове Сяргея Ігнацьева, адна з функцыяў Нацыянальнага банку Беларусі, а менавіта вызначэньне грашова-крэдытнай палітыкі, павінна перайсьці да Цэнтрабанку Расеіі. За галоўным банкам Беларусі застаюцца рэгуляваньне банкаўскай сыстэмы й арганізацыя разьлікаў.

Разам з тым, паводле меркаваньня кіраўніка Нацыянальнага банку Беларусі Пятра Пракаповіча, функцыі адзінага эмісійнага цэнтру павінны ажыцьцяўляць абодва Нацыянальныя банкі й агульны Міжбанкоўскі савет. Пры гэтым Пётр Пракаповіч прывёў у якасьці прыкладу досьвед Фэдэральнай рэзэрвовай сыстэмы ЗША.

А вось рашэньне аб паскораным увядзеньні расейскага рубля ў якасьці галоўнага плацёжнага сродку на тэрыторыі Саюзнай дзяржавы Расеі й Беларусі можа быць прынятае сёлета ў сьнежні. Пра гэта заявіў прэм'ер-міністар Расеі Міхаіл Касьянаў на брыфінгу пасьля паседжаньня саюзнага Саўміну. Паводле ягоных словаў, згодна з падпісаным з Беларусьсю дакумэнтам, адзіная валюта ўводзіцца з 2005 года, аднак у жніўні прэзыдэнт Расеі Ўладзімер Пуцін перадаў беларускаму боку прапановы наконт паскоранага ўвядзеньня адзінай валюты меркавана ў 2004 годзе. "Па выніках прайшоўшых сёньня перамоваў мы зразумелі, што такія магчымасьці ёсьць, і на наступным паседжаньні Саўміну ў сьнежні 2002 году, магчыма, будзе прынятае рашэньне ў гэтым кірунку, а таксама рашэньне наконт адзінага эмісійнага цэнтру", - падкрэсьліў расейскі прэм'ер. Спадар Касьянаў паведаміў, што Саўмін даручыў стварыць спэцыяльныя працоўныя групы нацыянальных банкаў і Мінфінаў абедзьвюх краінаў, каб цалкам адпрацаваць праект паскоранага ўвядзеньня адзінага плацёжнага сродку. "Расея імкнецца паскорыць інтэграцыю дзьвюх краінаў, Расея мае палітычную воля для ўвядзеньня адзінай валюты не ў 2005, а ў 2004 годзе", - адзначыў кіраўнік расейскага ўраду.

Радыё Рацыя