Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345

Общество


Уладзімер Ганчарык больш ня будзе кіраўніком беларускага прадстаўніцтва Ўсеагульнай канфэдэрацыі прафсаюзаў (УКП), - пра гэта ён паведаміў у інтэрвію Рацыі. У той жа час новае кіраўніцтва Фэдэрацыі прафсаюзаў Беларускай мае намер зачыніць прадстаўніцтва УКП як "надуманую ды бязьдзейную структуру".

На гэтым тыдні ў Маскве прайшоў ІV зьезд Усеагульнай канфэдэрацыі прафсаюзаў. Гэтае аб'яднаньне прафарганізацыяў краін СНД ды Эўразійскай эканамічнай супольнасьці створанае, каб дапамагаць прафлідэрам розных дзяржаваў абменьвацца досьведам працы. Пра канфэдэрацыю ў Беларусі загаварылі гэтай зімою, калі паўстала пытаньне адстаўкі кіраўніка Фэдэрацыі прафсаюзаў Беларускай Уладзімера Ганчарыка. Пакінуўшы крэсла кіраўніка ФПБ, ён стаў кіраўніком беларускага прадстаўніцтва УКП.

На згаданым зьезьдзе УКП прысутнічала й афіцыйная дэлегацыя беларускіх прафзьвязаў. Кіраўнік ФПБ Леанід Козік, падкрэсьліўшы неабходнасьць мацаваньня сяброўскіх сувязяў між прафзьвязамі УКП, зрабіў заяву, што лічыць мэтазгодным ліквідацыю прадстаўніцтва УКП ў Беларусі як "надуманнай і бязьдзейнай структуры", - падае прэсавая служба ФПБ. У прэс-рэлізе паведамляецца пра "некаторыя праблемы" УКП ды ФПБ, зьвязаныя зь нерухомасьцю. Гаворка вядзецца пра факты незаконнай перадачы прафсаюзнай уласнасьці ў карыстаньне ці ў валоданьне УКП. Гэтыя факты знайшла рэвізійная камісія ФПБ. Кіраўніцтву УКП прапанавана разгледзець пытаньне пра вяртаньне маёмасьці Фэдэрацыі прафсаюзаў Беларускай.

У зьезьдзе УКП у Маскве браў удзел і кіраўнік беларускага прадстаўніцтва гэтай арганізацыі Ўладзімер Ганчарык. Ён паведаміў Рацыі, што, на ягоную думку, прадстаўніцтва й сапраўды можа закрыцца.

У.Г.: - Нажаль, я думаю, што прадстаўніцтва ня будзе, але гэтае прадстаўніцтва было не ў ФПБ, а ў Рэспубліцы Беларусь. Доўгі час я быў прадстаўніком на грамадзкіх пачатках, а апошнія паўгода - на афіцыйнай аснове, прадстаўніком у дзяржаўных установах і арганізацыях, а таксама ў прафсаюзах. Гэта ідзе гульня ў адныя вароты, з тым, каб пацьвердзіць тэзіс, што, маўляў, раздавалі маёмасьць, хаця ўсё рабілася законна, кіруючыся статутамі й ФПБ, і ЎКП.

RR: - Ці можна сказаць, што прадстаўніцтва ЎКП ў Беларусі бязьдзейнічала?

У.Г.: - Не, гэта глупства. У мяне да апошняга часу былі кантакты з прафсаюзамі Беларусі. Я рабіў усё магчымае, каб прафсаюзы Беларусі былі незалежнымі арганізацыямі. Але я павінен заявіць наступнае: я прыняў рашэньне пакінуць пасаду намесьніка старшыні арганізацыі. Пакуль што кіраўнік прадстаўніцтва, але гэта - часова. Я прыняў рашэньне перайсьці на іншую працу.

RR: - Зьвязаную з прафсаюзамі?

У.Г.: - Нейкім чынам так, але ня толькі.

Факты незаконнай перадачы прафсаюзнай маёмасьці Ўсеагульнай канфэдэрацыі прафсаюзаў - не адзінкавыя з тых, што выкрыла Рэвізійная камісія ФПБ. Па чутках, якія цыркулююць у ФПБ, значная частка справаздачы Рэвізійнай камісіі ды, магчыма, самога старшыні Фэдэрацыі Леаніда Козіка, будзе вытрыманая ў выкрывальніцкім, выразна антыкарупцыйным тоне.

Алесь Хмяльніцкі

Радыё Рацыя