Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345

Общество


10 верасьня а 13.50 на памежным пераходзе Пяшчатка (непадалёк Горадні) на польска-беларускай мяжы быў затрыманы каталіцкі сьвятар, грамадзянін Польшчы Эдвард Мацкевіч, які накіроўваўся ў Растоў-на-Доне. Сьвятар Эдвард Мацкевіч адпраўлены назад, у Польшчу.

Апэратыўны дзяжурны Дзяржкамітэту памежных войскаў Беларусі Анатоль Каштанаў і прэсавы сакратар Уладзімер Несьцяровіч пацьвердзілі, што сапраўды грамадзянін Польшчы Мацкевіч, нягледзячы на правільна аформленыя дакумэнты й наяўнасьць ў пашпарце адмысловай адзнакі "АВ-службовая", ня быў прапушчаны праз нашу дзяржаўную мяжу. Прычыны няпропуску сьвятара апэратыўны дзяжурны не патлумачыў, аднак параіў зьвярнуўцца ў МЗС. Прэсавы сакратар МЗС Павал Латушка таксама аб прычыне адмовы ва ўезьдзе нічога не сказаў.

Па зьвестках Рацыі, айцу Мацкевічу беларускія памежнікі патлумачылі, што ягоны касьцёл у Растове зачынены й усе памежныя пераходы пасьля кансультацыяў зь Менскам і Масквой атрымалі загад не пускаць яго ў Беларусь. Беларускія памежнікі анулявалі ў сьвятара таксама адзнаку ў пашпарце "АВ-службовая".

Варта адзначыць, што гэта ўжо стала заганнай традыцыяў - не пускаць каталіцкіх сьвятароў у Расею й Беларусь. Пачалося гэта амаль тры гады таму, з дэпартацыі польскага грамадзяніна Зьбігнева Кароляка, сьвятара зь Берасьця, якога са скандалам выслалі на радзіму. У чэрвені ў Расею не пусьцілі каталіцкага сьвятара, грамадзяніна Італіі Стэфана Капрыё, які служыў ва Ўладзіміры, і грамадзяніна Польшчы Ежы Мазура, які меўся працаваць у Іркуцку. У жніўні з Расеі быў выдалены славацкі сьвятар Станіслаў Крайняк. А літаральна тры дні таму ў Хабараўску быў затрыманы ксёндз Яраслаў Вішнеўскі, які накіроўваўся ў Расею зь Японіі. Расейскія памежнікі анулявалі ягоную расейскую візу й выслалі сьвятара назад у Японію. А цяпер вось выпадак з Мацкевічам.

11 верасьня амаль ўсе сродкі масавай інфармацыі Польшчы адгукнуліся на інцыдэнт са сьвятаром Эдвардам Мацкевічам і назвалі гэта сапраўднай "халоднай вайной" супраць Каталіцкага Касьцёлу.

"Халодная вайна супраць Каталіцкага Касьцёлу", "У Расеі працягваецца антыкаталіцкая кампанія", - гэта загалоўкі чацьвярговых польскіх газэтаў. Польскія мэдыі падаюць словы афіцыйных прадстаўнікоў Ватыкану, якія заяўляць, што ў Расеі распачаўся сапраўдны перасьлед каталіцкае канфэсіі.

Нягледзячы на шматлікія звароты прадстаўнікоў Ватыкану, Міністэрства замежных справаў Расеі ніводнага разу не падало падставаў, паводле якіх сьвятары былі выдаленыя з Расеі. А Алексі ІІ публічна ня раз заяўляў, што ў Расеі ідзе экспансія каталіцызму.

Вось такім прыкрым чынам - "не пущать!" - расейскія ўлады не без дапамогі беларускіх памежнікаў змагаюцца з гэтай "экспансіяй".

Радыё Рацыя