Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345
  • Популярное

Общество


Беларускае міністэрства замежных справаў прыступіла да вывучэньня пасланьня прэзыдэнта Расеі Ўладзіміра Пуціна. Адказ беларускага боку, хутчэй за ўсё, будзе дадзены Крамлю найперш у Нью-Ёрку.

Cтатс-сакратар, першы намесьнік міністра замежных справаў Расеі Валеры Лашчынін прыехаў у Менск, каб перадаць праз МЗС пасланьне Ўладзіміра Пуціна Аляксандру Лукашэнку. Нагадаю: у гэтым пасланьні прэзыдэнт Пуцін яшчэ раз пералічыў тры асноўныя варыянты расейска-беларускага аб'яднаньня: поўная інтэграцыя ў адзіную краіну; аб'яднаньне па ўзоры Эўрапейскага зьвязу й, нарэшце, - на падставе дзейнай Саюзнай дамовы.

Для дакладнага аналізу гэтых трох праектаў Уладзімір Пуцін прапануе стварыць спэцыяльную рабочую групу. Як гаворыцца ў афіцыйным паведамленьні прэсавай службы МЗС, беларускае зьнешнепалітычнае ведамства прыступіла да вывучэньня гэтага дакумэнту. Пакуль канкрэтнага адказу няма.Найбольш верагодна, што адказ будзе перададзены беларускім бокам у Нью-Ёрку, у часе заплянаванай пасьля 15-га верасьня сустрэчы міністра замежных справаў Беларусі Хвастова зь міністрам замежных справаў Расеі Івановым. Пра гэтую сустрэчу ў часе працы Генэральнай Асамблеі ААН паведаміў Рацыі прэсавы сакратар МЗС РБ Павал Латушка.

Але чаму міністрам замежных справаў давялося сустракацца ў Нью-Ёрку, калі ў Маскве ці Менску бліжэй? На гэта спадар Латушка адказаў наступным чынам.

П.Л.: - Якраз-такі саюзьнікі сустракаюцца ня толькі ў сталіцах дзьвюх дзяржаў, сустракаюцца й пры нагодзе розных міжнародных важных мерапрыемстваў. Такім мерапрыемствам зьяўляецца сэсія Генэральнай Асамблеі ААН.

Яшчэ ў часе сустрэчы расейскага статс-сакратара Лашчыніна й міністра замежных справаў Беларусі Хвастова закраналіся пытаньні ўзаемадзеяньня Беларусі з АБСЭ й Радай Эўропы. Гэтую дэталь у беларускім МЗС пакідаюць без камэнтароў.

Аляксандар Дашчынскі

Радыё Рацыя