Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345

Общество


Праект кнігі чакаў ажыцьцяўленьня больш за 10 год. "У свой час мы нават не маглі марыць, што гэткая кніга нарэшце зьявіцца", - кажа беларускі мастак Мікола Купава. І ўрэшце адбылася сустрэча з Кастусём Цвіркам...

Кніга, прысьвечаная Язэпу Драздовічу, - першая з сэрыі "Мастакі Беларусі", распачатай выдавецтвам "Беллітфонд". Тэксты кнігі - на чатырох мовах: беларускай, ангельскай, нямецкай і расейскай. Дырэктар выдавецтва Аляксандар Мачульскі высока ацэньвае кнігу, што толькі-толькі пабачыла сьвет:

М.К.: - Гэтая манаграфія-альбом ды наступныя за ёй кнігі ў сэрыі пакажуць усю веліч нашае багатае духоўнай спадчыны. Над гэтай сэрыяй працавалі: галоўны рэдактар сэрыі й адначасова галоўны рэдактар выдавецтва Кастусь Цьвірка, макет рабіў Мікола Купава, Зьміцер Герасімовіч працаваў над праектам, Алесь Марачкін. Кніга - выдатная. Мне ў Міністэрстве інфармацыі тлумачылі, што кніга такога ўзроўню можа прэтэндаваць на нейкія вартыя месцы ў кніжных кірмашах як нашай краіны, так і за яе межамі.

Кніга чакала свайго лёсу аж ад 1988 году. Мікола Купава распавядае пра вартасьці альбому:

А.М.: - Мы, канечне, далі ў альбом самае лепшае, самае неабходнае. Найлепшага, можа, яшчэ й ня маем з тае прычыны, што вельмі цяжка, прыкладам, працаваць у Літоўскім нацыянальным музэі. У свой час мы ўсё, што можна было, графіку, аднялі. Але нябожчык Яўген Кулік калісьці казаў, што на ўласныя вочы яшчэ бачыў вельмі цікавыя гуашы - ілюстрацыі Язэпа Драздовіча да твораў заходне-беларускіх пісьменьнікаў.

Наступнымі ў сэрыі "Мастакі Беларусі" плянуюцца кнігі, прысьвечаныя Івану Хруцкаму, Фэрдынанду Рушчыцу, Марку Шагалу ды іншым. Як заўсёды, паўстае шматкроп'ем фінансавае пытаньне. "Беллітфонд" мае спадзеў на плённае супрацоўніцтва з Домам каляровага друку - надалей сэрыю мяркуецца выдаваць супольнымі высілкамі.

Юлія Дранчук

Радыё Рацыя