Аўтамабіль коштам больш за 400 000 $ затрымалі віцебскія мытнікі

Гэта самая дарагая аўтамашына з тых, што былі завезеныя на тэрыторыю Беларусі за апошнія некалькі гадоў. Браніраваны "Мэрсэдэс" прызначаўся прыватнай асобе – жыхарцы Віцебску, але быў затрыманы на мытні падчас афармленьня дакумэнтаў.

Дакладную прычыну затрыманьня мытнікі пакуль не паведамляюць, аднак рыхтуюць матэрыялы ў раённы суд у адпаведнасьці з 8-м артыкулам Адміністратыўнага кодэксу – за прадстаўленьне непраўдзівых зьвестак. А пакуль аўтамабіль знаходзіцца на Віцебскай мытні, тут прынятыя беспрэцэдэнтныя меры па ягонай ахове: 8-тонны браніраваны аўтамабіль, у якога таўшчыня ваконнага шкла складае 7 мм, абкружаны адмысловым бэтонным плотам, а вакол забясьпечанае кругласутачнае патруляваньне.

Браніслава Станкевіч, Віцебск