Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY

Общество


Як на добры лад, рамонтныя і будаўнічыя працы ў сёлетняй дажынкавай сталіцы мусілі пачацца як мінімум тры гады таму, бо рамантаваць ды будаваць у Полацку трэба шмат чаго. Аднак своечасова працы гэтыя не былі прафінансаваныя і пачаліся напоўніцу толькі мінулым чэрвенем. Пачаліся адразу на ўсіх аб’ектах, і сёньня Полацак уяўляе сабой велізарную будаўнічую пляцоўку.

Падобныя мэтады працы, калі ўсё робіцца похапкам, у шалёным тэмпе, ледзь ня круглыя содні, шырока ўжываліся за савецкім часам і трапна менаваліся штурмаўшчынай. Вядома ж, пры падобных падыходах цяжка весьці гаворку пра якасьць будаўніцтва, як і пра захаваньне тэхнікі бясьпекі. Тым больш, што на будаўнічых працах задзейнічана цэлая армія людзей, якія ня маюць адпаведнай прафэсійнай падрыхтоўкі – вайскойцаў тэрміновай службы, студэнтаў, навучэнцаў вучэльняў і тэхнікумаў.

Вынікам дажынкавай ліхаманкі сталася сьмерць двух студэнтаў мясцовага ўнівэрсытэту, якія бэтанавалі пляцоўку на мясцовым стадыёне "Спартак". Паводле сьведчаньня відавочцаў, трагедыя надарылася у чацьвер позна вечарам. У выніку парушэньня тэхнікі бясьпекі чацьвера студэнтаў 3-га курсу інжынэрна-будаўнічага факультэту Полацкага дзяржунівэрсытэту зазналі паразу электрычным токам. У выніку два зь іх – Сяргей Лучко 1980-га і Аляксей Шлакуноў 1982-га году нараджэньня загінулі на месцы, а два другія былі дастаўлены ў рэанімацыю. Пры гэтым стан аднаго з пацярпелых мэдыкі вызначаюць як вельмі цяжкі.

Наступнага дня наваполацкія журналісты спрабавалі высьветліць абставіны здарэньня і даведацца прозьвішчы пацярпелых у афіцыйных інстытуцыях, але посьпеху такія спробы ня мелі.

Тым часам рамонтныя і будаўнічыя працы ў Полацку не спыняюцца ні на хвіліну – сёньня тут быў праведзены чарговы агульнагарадзкі суботнік.

Вінцэсь Мудроў, Полацак