Подпишитесь на нашу ежедневную рассылку с новыми материалами

Общество


Пасьля таго, як пасаду старшыні Фэдэрацыі прафсаюзаў заняў былы намесьнік кіраўніка адміністрацыі Лукашэнкі Леанід Козік, Фэдэрацыя працягвае пазбаўляцца ад прафсаюзных лідэраў "каманды Ганчарыка" – ранейшага старшыні ФПБ.

На пачатку жніўня старшыні пяці абласных камітэтаў прафсаюзу супрацоўнікаў АПК запатрабавалі адстаўкі старшыні прафсаюза Аляксандра Ярашука.

Зараз падобная сітуацыя склалася вакол старшыні Берасьцейскага абласнога камітэту прафсаюзу працаўнікоў адукацыі і навукі Мікалая Каўша. Ён "папярэджаны", што ягоная прысутнасьць у абноўленым Берасьцейскім абласным аб'яднаньні прафсаюзаў непажаданая. М.Каўшу прапанавана добраахвотна падаць у адстаўку; у адваротным выпадку прэзыдыюм абкаму зьбіраецца склікаць пленум і выказаць яму недавер.

Пасьля зьмены кіраўніцтва Берасьцейскага абласнога аб'яднаньня прафсаюзаў, якое нядаўна ўзначаліў Мікалай Басалай, М.Коўш адкрыта выказваўся ў абарону ранейшага "апальнага" старшыні – Уладзімера Мірочніка. Сёньня Мікалай Коўш застаўся адзіным прадстаўніком старой каманды ў адноўленым складзе абласнога прафаб'яднаньня.
0058045