Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Популярное

Общество


15 ліпеня у судзе Фрунзенскага раёну Менску распачаліся суды над 14 індуістамі, якія 13 ліпеня былі затрыманыя ў адным з паркаў Менску. Іх вінавацяць у арганізацыі й правядзеньні несанкцыяванага шэсьця. У спэцпрыёмніку-разьмеркавальніку, дзе вернікаў утрымлівалі да суду, тыя на знак пратэсту абвесьцілі галадоўку.

Цэлая грамада індуістаў была затрыманая супрацоўнікамі міліцыі 13 ліпеня ля Палацу тонкасуконнага камбінату. 17 індуістаў, апранутых у культавыя ўборы, несучы рытуальныя сьцягі, накіроўваліся ў бліжэйшы парк, каб наладзіць там сумесную мэдытацыю. Гэтыя дзеяньня й сталася прычынаю затрыманьня.

Як паведаміла Рацыі прэзыдэнт Беларускай грамады шайва-шакта "Сьвет Кайласы" Тацяна Акаданава, супрацоўнікі міліцыі заломвалі вернікам рукі й запіхвалі ў міліцэйскія "варанкі". "Мы паводзіліся надзвычай мірна: сьпявалі індуісцкія песьні й прамаўлялі свае гімны. Міліцыянтаў зацікавілі мы, а не алкашы, якія гуртком пілі ў парку".

17 затрыманых даставілі ў Фрунзенскі райаддзел міліцыі, дзе на іх былі складзеныя пратаколы. Усім інкрымінаваўся арт. 167 Адміністрацыйнага кодэксу: "арганізацыя й удзел у несанкцыяваным шэсьці". Сярод затрыманых аказалася нават цяжарная жанчына - Лідзія Масалава, а таксама сьляпы Аляксей Вяткін. Пасьля затрыманьня іх, а таксама тых, хто мае няпоўнагадовых дзецей, вызвалілі. Паводле словаў спн. Акаданавай, супрацоўнікі міліцыі паводзіліся надзвычай нахабна: лаяліся матам, адмаўляліся рэпрэзэнтавацца й г.д.

Увечары 13 ліпеня 14 затрыманых былі дастаўленыя ў спэцпрымальнік-разьмеркавальнік на вул. Акрэсьціна, дзе індуісты (7 жанчын і 7 мужчынаў) абвесьцілі галадоўку пратэсту. Яны галадалі да суду, які распачаўся 15 ліпеня ў судзе Фрунзенскага раёну.

На момант падрыхіоўкі матэрыяла штраф памерам 200 тыс. бел. руб. атрымала толькі Ўлада Ашмарына.

Паводле словаў Тацяны Акаданавай, стаўленьне ўладаў да індуістаў рэзка пагоршылася пасьля прыняцьця 27 чэрвеня Палатай прадстаўнікоў новага закона "Аб свабодзе веравызнаньня". "Закон яшчэ не набыў сілы, а нас ужо перасьледуюць", - адзначыла спн. Акаданава.

Яна паведаміла, што ўлады й раней ставіліся да індуістаў надзвычай непрыязна, адмаўляючы грамадзе ў рэгістрацыі й забараняючы арэндаваць залі для малітваў.

Радыё Рацыя