Подпишитесь на нашу ежедневную рассылку с новыми материалами

Общество


За яе прагаласавала пераважная большасьць парлямэнтароў краін - сябраў АБСЭ.

Рэзалюцыя па Беларусі, ўхваленая напярэдадні Палітычным Камітэтам ПА АБСЭ, прынятая бязь зьменаў. Супраць прагаласавалі 11 дэпутатаў, сярод якіх - прадстаўнікі Расеі, а ўстрымаліся 14. Нагадаю, што ў ПА АБСЭ ўваходзіць больш за 300 парлямэнтароў. На паседжаньні не прысутнічала дэлегацыя Нацыянальнага сходу пад кіраўніцтвам віцэ-сьпікера Ўладзімера Канаплёва. Са словаў старшыні Беларускай жаночай партыі "Надзея" Валянціны Палевіковай, "іначай і не магло быць". Са словаў сп. Палевіковай, рэзалюцыя па Беларусі "вельмі сур'ёзная".

Парлямэнтары абралі новага прэзыдэнта ПА АБСЭ. Да апошняга часу гэтую пасаду займаў добра вядомы ў Беларусі прадстаўнік Румыніі Адрыян Сэвэрын. Новым прэзыдэнтам Парлямэнцкай Асамблеі стаў прадстаўнік Злучанага Каралеўства Джордж Брус, зь якім напярэдадні сустракалася дэлегацыя Каардынацыйнай нарады апазыцыйных палітычных партыяў пад кіраўніцтвам Анатоля Лябедзькі.

Радыё Рацыя