Подпишитесь на нашу ежедневную рассылку с новыми материалами

Общество


Нагадаем: у красавіку 2001 году ў момант перадачы дакумэнтаў з утрыманьнем, на думку беларускага правасудзьдзя, сакрэтных зьвестак ваеннага характару ў Менску былі затрыманыя грамадзянін Італіі 50-гадовы Анжэла Антоніа Пію й грамадзянка Беларусі 26-гадовая Ірына Ўшак.

У верасьні 2001 году Менскі гарадзкі суд прызнаў італьянца Пію вінаватым за шпіянаж (артыкул 358 Крымінальнага кодэксу) і вырак да чатырох з паловай гадоў турэмнага зьняволеньня, а ягоную нявесту й суўдзельніцу беларуску Ірыну Ўшак - да чатырох гадоў пазбаўленьня волі за здраду дзяржаве (артыкул 356 КК).

Італьянец адбываў пакараньне ў Навасадзкай калёніі суровага рэжыму (што пад Барысавам). Спадар Пію быў узорным зьняволеным, ён не парушаў правілаў знаходжаньня ў беларускай папраўча-працоўнай установе, трымаўся вельмі адкрыта й камунікабэльна - у калёніі ў яго зьявіліся сябры.

У красавіку сёлета Аляксандар Лукашэнка памілаваў Ірыну Ўшак. Ёй нават дазволілі пасьля вызваленьня наведаць ейнага жаніха спадара Пію, які адбываў пакараньне ў Навасадзкай калёніі. Гэтыя прапагандысцкія відэаздымкі сустрэчы зьняволенага італьянца з вызваленай беларускай некалькі разоў пракруціла Беларускае тэлебачаньне.

Беларускі Камітэт дзяржаўнай бясьпекі зрабіў тады відэазапіс з заявай спадара Пію, у якой засуджаны зьвінаваціў тых, хто яго накіраваў у Беларусь з адпаведным заданьнем. Свае надзеі на памілаваньне спадар Пію зьвязваў зь відэапасланьнем, просячы, каб ягоны зварот паказалі па ўсёй Італіі.

У кадры нявольнік сядзеў за сталом на тле пано з намаляванымі бярозкамі. Апусьціўшы долу вочы, Пію каяўся, што зьдзейсьніў злачынства: "Гэта было глупства, ідыятызм". З просьбай аб памілаваньні італьянца да кіраўніка Беларусі зьвярталіся таксама прэзыдэнт Італьянскай Рэспублікі, урад Вэнэцыянскай рэспублікі, старшыня камісіі італьянскага Сэнату. І толькі па зыходзе амаль трох месяцаў кіраўнік беларускай дзяржавы падпісаў Указ аб памілаваньні Анжэла Антоніа Пію.

Радыё Рацыя
0058045