Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345

Общество


Кіраўніцтва партыі лічыць рашэньне суду, як і дзеяньні Мінюсту, незаконным і мерыцца дабівацца справядлівасьці нават у міжнародных судовых структурах.

Нагадаем: пісьмовае папярэджаньне АГП было вынесенае за публікацыю ў адным з красавіцкіх нумароў газэты "Народная воля" артыкулу лідэра партыі Анатоля Лябедзькі "Дзе грошы?", у якім аўтар пытаўся, куды ідуць сродкі ад гандлю зброяй, ажыцьцяўлянага афіцыйнымі ўладамі. У зьмесьце артыкулу Міністэрства юстыцыі ўбачыла закрананьне гонару й годнасьці кіраўніка дзяржавы - і вынесла АГП пісьмовае папярэджаньне.

Паводле дзейнага заканадаўства, яшчэ адно папярэджаньне цягам году можа прывесьці да закрыцьця гэтай палітычнай арганізацыі. Прадстаўнікі АГП на судзе - Яўген Лабановіч, Сяргей Альфер і Ўладзімер Раманоўскі - даводзілі, што апублікаваны артыкул ёсьць пэрсанальным меркаваньнем Анатоля Лябедзькі, але ніяк не афіцыйнаю пазыцыяй партыі, бо, паводле статуту арганізацыі, старшыня можа рабіць ад імя АГП заяву толькі пасьля ўзгадненьня яе са зьездам, палітрадай альбо Нацыянальным камітэтам партыі.

Да таго ж, суду спрабавалі давесьці: рашэньне, ці мелі месца ў артыкуле зьнявага гонару й годнасьці, можа прымаць толькі суд, але не Мінюст, які мае зьдзяйсьняць толькі кантрольную функцыю за чыннасьцю партыяў і грамадзкіх аб'яднаньняў. Судзьдзя Шаройка, якая вяла працэс, да доказаў прадстаўнікоў АГП не прыслухалася. Як вынік - скарга АГП па адмене папярэджаньня, вынесенага Мінюстам, - адхіленая.

Намесьнік старшыні АГП Сяргей Альфер, які прадстаўляў партыю на працэсе, назваў прынятае рашэньне неправамерным.

С.А.: - Я магу камэнтаваць гэтае рашэньне як абсалютна неправавое зь некалькіх прычынаў. У гэтым працэсе ўвогуле не разглядаўся зьмест артыкулу. Узьнікла пытаньне: ці можа вырашаць Міністэрства юстыцыі, парушаная альбо не парушаная Канстытуцыя РБ, і прызнаваць папярэдне, без суду, чалавека правапарушальнікам, а затым на падставе гэтага выносіць папярэджаньне не канкрэтнаму чалавеку, але арганізацыі, якую ён прадстаўляе.

Паводле Сяргея Альфера, прыняцьцё рашэньняў не на карысьць апанэнтаў сёньняшняга рэжыму сталася звыклай практыкай у судох усіх узроўняў на тэрыторыі нашай краіны.

С.А.: - Мы жывём у неправавой дзяржаве, і гэта ўжо ня першае неправавое рашэньне, прынятае судовымі органамі, і ўжо другое за апошні тыдзень, якое прымаецца з нагоды абароны гонару й годнасьці прэзыдэнта. Першае было ў Горадні па газэце "Пагоня". Тая ж сытуацыя й цяпер. Значыць - быў загад "зьверху", каб "чырвонае сонейка й надалей сьвяціла й на гэтым сонейку не было ніводнае плямы". Такога ніколі не бывае, і тая краіна, у якой кіраўнік дзяржавы ня можа крытыкавацца за тыя ці іншыя свае дзеяньні, ня можа лічыцца дэмакратычнай. Мы жывём сёньня ўжо не ў аўтарытарнай краіне, а ў краіне, у якой робяцца ўжо таталітарныя замахі, якая больш і больш пераходзіць у таталітарны кірунак сваёй дзейнасьці.

Як заявілі Рацыі ў кіраўніцтве АГП, аўторкавае рашэньне Вярхоўнага суду яны будуць абскарджваць. Калі гэта не магчыма будзе ў Беларусі, - па дапамогу плянуецца зьвярнуцца ва ўплывовыя міжнародныя структуры.

Генадзь Кесьнер

Радыё Рацыя