Подпишитесь на нашу ежедневную рассылку с новыми материалами

Общество


На думку Калякіна, ляйтматыў выступу Пуціна зводзіўся да таго, што "беларусы хочуць вырашыць свае праблемы за кошт атрыманьня расейскіх танных рэсурсаў, нічога ў сябе не мяняючы".

Лідэр ПКБ Сяргей Калякін канстатуе, што "прыхаваны да пары да часу канфлікт паміж Пуціным і Лукашэнкам" выйшаў вонкі, прычым Пуцін надаў яму "рэзкую форму". Гэта, на думку Калякіна, сьведчыць пра радыкальную зьмену стаўленьня кіраўніцтва Расеі да самога Аляксандра Лукашэнкі. "Апошнія заявы Пуціна - гэта відавочна сыгнал. Раней, калі стаўка Крамля рабілася толькі на Лукашэнку, усе супярэчнасьці замоўчваліся. Цяпер іх агалілі, а гэта азначае, што Крэмль думае й пра пераемнікаў Лукашэнкі, і пра постлукашэнкаўскі пэрыяд кіраваньня", - лічыць беларускі палітык.

Прагназуючы паводзіны самога Аляксандра Лукашэнкі, Сяргей Калякін заявіў, што Лукашэнка - "ня гнуткі палітык, ён заўсёды ідзе напралом". Калякін мяркуе, што ад заяваў Пуціна ў паводзінаў беларускага кіраўніка мала што зьменіцца. "Я амаль ня ведаю прыкладаў, калі Лукашэнка мог бы лявіраваць і ісьці на кампраміс. Гэта можа быць толькі ў адным выпадку - калі ягоная асабістая ўлада акажацца пад пагрозай. Але нават і ў гэтым выпадку кампарміс будзе толькі часовым".

Пасьля высутупу Пуціна лідэр ПКБ так і не зразумеў, якія мэханізмы функцыяваньня Саюзу прапанаваў расейскі лідэр. На думку Калякіна, гаворка "ўсё ж ідзе пра саюзную, а не фэдэратыўную дзяржаву, якая павінна мець паўнамоцныя саюзныя органы". Пуцін, як лічыць Калякін, высутупае за інтэграцыю й "не жадае быць яе далакопам", але "ён да канца не сказаў, якой яму бачыцца мадэль і мэханізмы інтэграцыі".

"Зразумела адно, - паведаміў Калякін, - ляйтматыў выступу Пуціна зводзіўся да таго, што беларусы хочуць вырашыць свае праблемы за кошт атрыманьня расейскіх танных рэсурсаў, нічога ў сябе не мяняючы".

Радыё Рацыя
0058648