Подпишитесь на нашу ежедневную рассылку с новыми материалами

Общество


Як паведаміў БелаПАНу адказны супрацоўнік Нацыянальнай дзяржаўнай тэлерадыёкампаніі, які пажадаў застацца неназваным, увесь дзень 3 чэрвеня вяліся перамовы паміж кіраўніцтвам НДТРК і ўладальнікам правоў на тэлетрансьляцыю - нямецкай фірмай "Кірхмэдыа". Пры гэтым, яшчэ раніцою кіраўніцтва НДТРК заяўляла, што грошай на куплю правоў няма. Аднак у другой палове дня сытуацыя зьмянілася. Цяпер бакі дамаўляюцца пра арганізацыю трансьляцыяў, пачынаючы з 1/8 фіналу. Кошт пакету матчаў фінальнай стадыі - 320 тыс. даляраў ЗША (паказ усяго чэмпіянату каштаваў бы нашай краіне 470 тыс. даляраў). Паводле крыніцы, ёсьць верагоднасьць, што беларускія заўзятары пасьпеюць убачыць і матчы папярэдняй стадыі, аднак гэта абыдзецца даражэй.

Радыё Рацыя