Подпишитесь на нашу ежедневную рассылку с новыми материалами

Общество


Расейскія распрацоўшчыкі канстытуцыйнага акту не хаваюць, што будучыня гэтага дакумэнту вырашаецца не на паседжаньні Савету Міністраў Саюзу Беларусі й Расеі, дзе ў аўторак разглядаліся вынікі працы адпаведнай групы, а на маючай адбыцца сустрэчы Лукашэнкі й Пуціна ў Санкт-Пецярбургу. Менавіта там расейскі лідэр павінен пагадзіцца, альбо не пагадзіцца на рэфэрэндум па канстытуцыйным акце й выбарах у саюзны парлямэнт. На гэтай мадэлі настойвае афіцыйны Менск. У Санкт-Пецярбургу, як цьвердзяць расейскія чыноўнікі, "павінен быць дадзены імпульс распрацоўшчыкам кастытуцыйнага акту", праца над якім" магла б быць больш дынамічнай".

Канстытуцыйны акт Саюзу Беларусі й Расеі не згубіў сваёй таямнічасьці й пасьля аўторкавага паседжаньня Савету Міністраў Саюзу Беларусі й Расеі, дзе разглядаліся вынікі працы адпаведнай рабочай групы. Праект дакумэнту дагэтуль не паказаны шырокай грамадзкасьці, і расейскія распрацоўшчыкі не хаваюць, што да тых часоў, пакуль лідэры абедзьвюх краінаў не дамовяцца паміж сабой, экспэртам з Расеі й Беларусі будзе цяжка паразумецца. Гэта кантрастуе з заявамі кіраўніка працоўнай групы зь беларускага боку Леаніда Козіка, які абвесьціў, што "спрэчных пытаньняў амаль не засталося".

Разам з тым, вядома, што расейская й беларуская групы маюць рознае разуменьне таго, якім павінен быць гэты дакумэнт. Беларускі бок настойваў на тым, што, перш чым пісаць тэкст, трэба ўзгадніць базавыя прынцыпы канстытуцыйнага акту, а расейскія экспэрты патрабавалі дэталёвай прапрацоўкі асобных палажэньняў. Дагэтуль ня ўзгодненымі застаюцца кіроўныя органы саюзу: напрыклад, ці павінна ў ім існаваць пасада віцэ-прэзыдэнта.

Усе гэтыя пытаньні мусяць спачатку вырашыць лідэры Расеі й Беларусі, якія сустрэнуцца 12 чэрвеня ў Санкт-Пецярбургу. Менавіта там ачольнікі абедзьвюх краінаў маюць дамовіцца пра агульныя падыходы й "даць імпульс" распрацоўшчыкам. Пра гэта Рацыі заявіў намесьнік начальніка дэпартамэнту інфармацыі Сталага камітэту Саюзнай дзяржавы Аляксандар Муфта.

А.М.: - В Петербурге произойдёт существенное приращение документа, и рабочие группы получат указания - в каком направлении двигаться и каким видится это государство: его форма, его правовые нюансы. На сколько государства готовы поступиться суверенитетом. Это же не секрет, что мы ищем форму, аналогов которой трудно найти. Я думаю, что после этого появятся сигналы и для исполнительной, и для законодательной ветвей власти.

Беларускі бок, як вядома, настойвае на тым, каб пытаньне канстытуцыйнага акту было вынесенае на рэфэрэндум у абедзьвюх краінах. Гэтай жа лёгікай пакуль кіруюцца й распрацоўшчыкі дакумэнту. Аляксандар Муфта паведаміў, што наступным этапам маюць стаць выбары ў саюзны парлямэнт.

А.М.: - Логика пока просматривается таким образом - принятие Конституционного Акта с детальной характеристикой полномочий ветвей власти. Затем, видимо, этот документ будет рассмотрен на референдумах в обеих странах. И затем у нас появится правовое поле для выхода на решение вопроса о выборах депутатов в союзный парламент. Такая модель наименее ущербна, и не оставляет места для критики, забеганий вперёд,

Разам з тым, невядома, ці пагодзіцца на гэтую мадэль Уладзімір Пуцін, які ў часе апошніх сустрэчаў з Лукашэнкам пра канстытуцыйны акт дэманстратыўна ня ўзгадваў. Экспэрты гавораць, што гэта будзе у меншай ступені залежаць ад афіцыйнага Менску й у значна большай - ад міжнароднай кан'юнктуры, якая пакуль беларускаму кіраўніку не спрыяе.

Юрась Карманаў

Радыё Рацыя