Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    303112345
    6789101112
    13141516171819
    20212223242526
    272812345
  • Популярное

Общество


Ня выключана, што найстарэйшы чалавек сьвету жыве сёньня менавіта ў Беларусі. Пікантнасьць сытуацыі ў тым, што Марыя Шарая, якой 122 гады, жыве ў маленькай вёсачцы ўсяго за 10 км ад Чарнобыльскай АЭС.

Інфармацыя пра беларускую вяскоўку мільганула ў лістападзе ў паведамленьнях некалькіх сусьветных агенцтваў. Сюжэты пра Марыю Шарую прайшлі таксама ў эфіры амэрыканскай мэдыя-карпарацыі CNN. Цікавасьць такая нездарма. Рэч у тым, што дасюль, згодна з Кнігаю рэкордаў Гінэса, найбольшая дакумэнтальна пацьверджаная працягласьць жыцьця чалавека складала 122 гады й 164 дні. "Рэкорд" належаў французцы Жан-Луіс Кальман - яна нарадзілася была 21 лютага 1875 г. і пражыла да 4 жніўня 1997 г.

Калі даваць веры старым царкоўным запісам, можна сьцьвердзіць, што ў рэкорду спадарыні Кальман ёсьць сур'ёзная суперніца - 122-гадовая беларуска, якая да сёньня жыве ў вёсцы Ніжнія Жары, што пры самай беларуска-ўкраінскай мяжы. Зьвесткі пра год нараджэньня беларускай даўгавечніцы былі свайго часу перанесеныя ў савецкі пашпарт - карэспандэнт CNN убачыў у ім лічбу 1878. Старэйшая за многіх клясыкаў нашае новае літаратуры, Марыя жыве цяпер у Ніжніх Жарах разам з 88-гадовай сястрою Аўдоцьцяй Крымянюк - ад вёскі іхнай да сумнаслаўнага Чарнобыльскага рэактару каля 10 кілямэтраў. Вядома, што Марыя Шарая была другім зь сямі дзяцей у сям'і, была замужам і выгадавала чацьвярых дзяцей, якіх даўно перажыла.

Цяпер беларуская даўгавечніца прэтэндуе на імя найстарэйшай жыхаркі сьвету. Праўда, нягледзячы на дакумэнтальныя сьведчаньні, застаюцца сумневы. "У тыя гады кожнае дзіця везьлі да сьвятара на хрост, а пасьля ўжо ў царкоўных кнігах фіксавалася дата нараджэньня", - так тлумачыла карэспандэнту CNN сытуацыю Марыіна сястра Аўдоцьця. Яна пацьвярджае, што ў тых запісах сапраўды стаіць 1878 год, аднак дапускае, што гэта можа быць памылка. Паасобныя аднавяскоўцы даўгавечніцы таксама не выключаюць памылкі, таго, да прыкладу, што дата нараджэньня Марыі Шарай магла быць паблытаная з датаю нараджэньня яе маці.

Калі гады з два таму сёстраў у Ніжніх Жарах пераведаў карэспандэнт "Звязды", асноўнай крыніцаю інфармацыі пра Марыю была яе сястра. 120-гадовай тады гераіні "звяздоўскага" рэпартажу цяжка было падтрымаць размову, аднак як дайшло да пачосткі, яна падсела да стала й нават прыгубіла чарку. Увогуле, сёстры не наракаюць на здароўе - Аўдоцьця гаворыць, што патрапляюць абыходзіцца без дактароў. Гэта зусім ня лішне, як улічыць, што найбліжэйшая больніца за 40 кілямэтраў ад іхнае вёскі.

У хуткім часе ў Ніжніх Жарах могуць, здаецца, чакаць новых гасьцей. Беларусі сьвеціць яшчэ адна згадка ў Кнізе рэкордаў Гінэса. Гэтым разам - хто б мог падумаць! - дзякуючы найстарэйшаму ў сьвеце чалавеку.

Юрась Бушлякоў

Радыё Рацыя