Подпишитесь на нашу ежедневную рассылку с новыми материалами

Общество


Суд Маскоўскага раёну Менску адмовіўся задаволіць пазоў былога старшыні Вярхоўнага Савету Беларусі Станіслава Шушкевіча супраць Міністэрства працы й сацыяльнай абароны, каб ягоная пэнсія як былога кіраўніка дзяржавы была належным чынам індэксаваная.

Судзьдзя Вольга Гусакова прыняла аргумэнты толькі прадстаўнікоў міністэрства, паводле якіх спадар Шушкевіч ня можа атрымліваць дзяржаўную пэнсію. Бо ён ня трапіў у сьпіс тых асобаў, якія атрымліваюць такую пэнсію паводле адпаведнага дэкрэту Аляксандра Лукашэнкі.

Разам з тым, Шушкевіч можа зьвярнуцца ў органы сацыяльнай апекі з просьбай прызначыць яму звычайную пэнсію па ўзросьце. Станіслаў Шушкевіч сказаў, што ён і не спадзяваўся на станоўчае рашэньне суду ў сваёй справе ў цяперашніх палітычных варунках. Былы старшыня Вярхоўнага Савету Беларусі мае намер абскардзіць гэтае рашэньне ў судзе вышэйшай інстанцыі.

Альгерд Невяроўскі, Менск