Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY

Общество


Удзел у гэтай акцыі ўзялі блізу двухсот таксістаў. Нагодай стала тое, што напярэдадні ўсіх уладальнікаў мікрааўтобусаў-таксовак сабраў у гарвыканкаме галоўны "вэртыкальшчык" Барысава Васіль Бургун. Ён паведаміў, што з 1 красавіка пачынае дзейнічаць новы парадак, паводле якога колькасьць мікрааўтобусаў на кожным маршруце будзе вызначаць ня попыт пасажыраў, а гарвыканкам і дзяржаўны аўтапарк №3.

Тэхнічны агляд цяпер кожны ўладальнік павінен праходзіць штомесяц, а ня раз на паўгоду, як раней. Прыватнікі таксама абавязаныя стала знаходзіцца на лініі. Мікрааўтобусам забараняецца абганяць дзяржаўныя аўтобусы і забіраць пасажыраў.

Акрамя ўсяго, Васіль Бургун абавязаў таксістаў перафарбаваць мікрааўтобусы ў жоўты колер ды працаваць ва ўніформе, якую тыя павінны набыць за свой кошт.

Такія новаўвядзеньні, паводле разьліку мітынгоўшчыкаў, як мінімум падвояць кошт праезду. Пакуль што барысаўцу адна паездка абыходзіцца ў сярэднім у 250-300 рублёў, гэта не нашмат даражэй, чым праезд на камэрцыйных хуткасных маршрутах аўтобусаў. І значна таньней, чым абыходзіцца паездка на маршрутках менчукам.

Вось што сказаў на сходзе таксіст Іван Кавалёў, падпалкоўнік у адстаўцы, пра патрабаваньне Васіля Бургуна перафарбаваць аўтамабіль.

(Кавалёў: ) "Я гэтага рабіць ня буду.Таму што гэта зьяўляецца маёй уласнай машынай. Другой машыны ў мяне няма. Машына ў мяне таксама служыць і для таго, каб нейкія пытаньні з сям’ёй рашаць. Як я магу на машыне перафарбаванай у таксі ехаць па сваіх справах?"

Уладальнікі мікрааўтобусаў настроеныя наагул не выконваць новае распараджэньне ўладаў:

(Уладальнік мікрааўтобуса: ) "Я на гэта не пайду".

(Другі ўладальнік мікрааўтобуса: ) "Нас не прымусяць. Таму што нас ставяць у такія умовы, што мая машына павінна 18 гадзінаў у суткі знаходзіцца на лініі і хадзіць па раскладу строгім. Чатыры хвіліны туды-сюды — і нада мной уздымаецца гарвыканкам, які можа мяне пазбавіць ліцэнзіі і гэтак далей".

Уладальнікі маршрутных таксовак вырашылі зьвярнуцца па дапамогу ў пракуратуру. Міліцыя нікога з удзельнікаў сходу не затрымала.

Алесь Мікалайчанка, Барысаў