Подпишитесь на нашу ежедневную рассылку с новыми материалами

Общество


Калегія па грамадзянскіх справах Менскага гарадзкога суду адмяніла рашэньне суду ніжэйшай інстанцыі ў справе абразы гонару й годнасьці лідэра Аб’яднанай грамадзянскай партыі Анатоля Лябедзькі з боку аўтара праграмы "Тайные пружины политики" Беларускага тэлебачаньня Юрыя Азаронка.

Такім чынам, калегія задаволіла скаргу Юрыя Азаронка й пратэст пракуратуры. Сябры судовай калегіі лічаць, што Азаронак у сваёй праграме не абражаў гонару лідэра АГП.

Паводле рашэньня судовай калегіі, словы Юрыя Азаронка пра тое, што Анатоль Лябедзька нібыта прывез з тэрыторыі Польшчы ў Беларусь і прыўласьціў 8500 даляраў, былі ня цьверджаньнем, а толькі меркаваньнем аўтара праграмы. (Месяц таму суд Першамайскага раёну Менску прызнаў Азаронка й БТ вінаватымі ў гэтай справе і абавязаў выплаціць Анатолю Лябедзьку адпаведна 400 і 600 тысяч рублёў кампэнсацыі.) Лідэр АГП лічыць, што ў гэтай справе на гарадзкі суд быў аказаны моцны ціск з боку ўладаў.

Альгерд Невяроўскі, Менск