Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345
  • Популярное

Общество


У Клімавіцкім раёне разгарэўся буйны скандал, у эпіцэнтры якога аказаліся мясцовыя начальнікі: кіраўнік "вэртыкалі", дырэктар і галоўны інжынэр лікёра-гарэлачнага заводу. Супраць згаданых асобаў узбудзілі крымінальныя справы за злоўжываньне службовымі паўнамоцтвамі й крадзёж.

Старшыня Клімавіцкага райвыканкаму Ўладзімер Канавалаў рыхтаваўся да сустрэчы Новага году загадзя. Па ўсім відаць, новагодняе сьвята "вэртыкальшчык" плянаваў сустрэць з размахам. Прынамсі, гарэлкай спадар Канавалаў запасаўся грунтоўна. Па зьвестках Рацыі, атрыманых у праваахоўных органах, старшыня райвыканкаму панадзіўся на Клімавіцкі лікёра-гарэлачны завод па дармавае "пітво". У кіраўніцтва прадпрыемства не ставала сьмеласьці адмовіць "вэртыкальшчыку". Ды й як жа было адмовіць раённаму "князьку", калі й сам дырэктар заводу, і галоўны інжынэр былі людзьмі не без грахоў і таксама нярэдка ласаваліся дармовай гарэлкай з роднага прадпрыемства.

Відавочна, спадар Канавалаў пра гэта ведаў і таму, не саромеючыся, пасылаў свайго асабістага кіроўцу па бясплатную прадукцыю на Клімавіцкі завод. Падчас аднаго з такіх "рэйдаў" кіроўцу й затрымалі міліцыянты. У службовай машыне спадара Канавалава было 5 скрынак гарэлкі. Як потым прызнаўся кіроўца, гарэлку ён вёз для свайго "шэфа". Больш за тое, хутка выявілася, што гэта быў не адзінкавы выпадак вывазу з заводу дармовае гарэлкі на выканкамаўскім аўтамабілі.

Незадоўга да гэтага спадару Канавалаву адгрузілі 12 скрынак гарэлкі. Адметна, што зазвычай выканкамаўскі аўтамабіль з крадзенай гарэлкай суправаджаў супрацоўнік мясцовай ДАІ, каб у дарозе нічога не здарылася з каштоўным грузам. Сьледчыя таксама не выключаюць таго, што частка гарэлкі ў суправаджэньні ДАІ вывозілася для продажу ў суседнюю Расею. Бо малаверагодна, каб старшыня райвыканкаму піў гарэлку цэлымі скрынкамі. Праўда, доказаў гэтай вэрсіі пакуль няма. Супраць Уладзімера Канавалава ўзбудзілі крымінальную справу па артыкуле 210 Крымінальнага кодэксу. Сярод іншага яго вінавацяць у крадзяжы гарэлкі з Клімавіцкага лікёра-гарэлачнага заводу шляхам злоўжываньня службовым становішчам. У крадзяжы гарэлкі падазраюцца таксама асабісты кіроўца спадара Канавалава, дырэктар і галоўны інжынэр прадпрыемства. І, па ўсім відаць, гэта яшчэ ня ўсе "героі" гарэлачнага скандалу ў Клімавіцкім раёне. Расьсьледаваньне крымінальнай справы толькі пачалося.

Ян Мікалаеў

Радыё Рацыя