Главное
Минск
Эксклюзив
Деньги и власть
В мире
Кругозор
Происшествия
Финансы
Недвижимость
Спорт
Авто
Леди
42
Ваш дом
Афиша
Ребёнок.BY
Про бизнес.
TAM.BY
Новости компаний

Программы и проекты TUT.BY
  • Архив новостей
  • Архив новостей
    ПНВТСРЧТПТСБВС
    2627282930311
    2345678
    9101112131415
    16171819202122
    23242526272829
    303112345

Общество


Бадай, самай распаўсюджанай тэмай у размовах людзей апошнімі днямі стала надвор'е, перагнаўшы па папулярнасьці нават тэму сустрэчы новага году. Такіх сьнегападаў шмат хто - прынамсі, моладзь - за сваё жыцьцё яшчэ й ня бачылі. Праблема гэтая актуальная ня толькі для ўладальнікаў асабістых аўтамабіляў, але й для ўсіх карыстальнікаў грамадзкага аўтатранспарту, на шляху якога таксама паўсталі непераадольныя сьнегавыя завалы. Гарадзкія й дарожныя службы, што ўступілі ў няроўную барацьбу са сьнегам, катастрафічна не спраўляюцца й наракаюць на Міністэрства надзвычайных сытуацыяў, з боку якога пакуль не адчуваюць асаблівае падтрымкі. Але яшчэ большую занепакоенасьць у іх выклікаюць прагнозы сыноптыкаў наконт рэзкага пацяпленьня найбліжэйшымі днямі.

Выглядае на тое, што сёлета прырода вырашыла нагадаць прызвычаеным да паўгадавое слоты беларусам, што такое сапраўдная зіма; а заадно й выпрабаваць нашую маральную й фізычную ўстойлівасьць пасьля сьвятаў. У пятніцу ўначы сыноптыкі паабяцалі да -31 градуса й сьнег з завірухамі. А ўжо 5-6-га студзеня ў некаторых раёнах Беларусі тэмпэратура павысіцца да +2-х, з дажджом.

Зазначым адразу: асаблівае ўстойлівасьці перад прыроднай стыхіяй наш народ не прадэманстраваў. Магчыма, імунітэт быў падарваны рэкордна доўгімі навагоднімі сьвятамі: у параўнаньні зь мінулым годам, за першыя навагоднія дні амаль удвая больш беларусаў загінулі ў пажарах; каля 400 чалавек за апошні месяц трапілі ў лякарні з абмаражэньнямі... Як правіла, усім гэтым здарэньням папярэднічала ўжываньне моцных напояў. Як паведаміў Рацыі галоўны доктар Менскай гарадзкой станцыі хуткай дапамогі Віталь Ціцішын, сёньня ў сталічнай лякарні хуткай дапамогі з дыягназам "адмаражэньне" знаходзяцца 17 чалавек.

В.Ц.: - Если взять вот за последнее время, то 5 человек мы доставили 2-го числа: 3 человека - в больницу скорой помощи с обморожениями и 2 - в другие больницы с переохлаждениями. В новогоднюю ночь - 1-2 человека были... Это те, которых мы подобрали на улицах в основном лежащими - чаще всего - в хорошем подпитии, которые не смогли дойти домой...

Тэлефануючы пасьля сьвятаў у Міністэрства надзвычайных сытуацыяў, мы, па шчырасьці, разьлічвалі найперш пачуць інфармацыю пра змаганьне са сьнегавой стыхіяй. Аднак выглядае на тое, што нашае МНС спэцыялізуецца на пажарах і лічыць "надзвычайнымі" толькі тыя сытуацыі, дзе гінуць людзі.

Прэсавы скаратар Міністэрства Кірыл Данілаў: По снегу - происшествий никаких не было: единственное - что он затрудняет движение людей, автотранспорта… А происшествий, связанных с тем, что кто-то пострадал, - такого не было. По крайней мере, у нас по сводкам оперативным такого не проходит… Единственное, что я знаю, - это что для ликвидации последствий привлекаются службы жилищно-коммунального хозяйства. У меня есть информация, что за последние 2 дня, которые прошли, было задействовано более 3.000 единиц снегоуборочной техники и более 6.400 человек...

Зьвязаўшыся са згаданымі сп. Данілавым "службамі жыльлёва-камунальнай гаспадаркі", мы зразумелі, што ўвесь цяжар змаганьня са сьнегавой навалаю пакуль і сапраўды ляжыць на іх. І, дарэчы, на пасіўнае стаўленьне да гэтае праблемы з боку МНС яны вельмі наракаюць.

Намесьнік генэральнага дырэктара трэсту "Гардармэханізацыя", які адказвае за ачыстку менскіх вуліц, Аляксандар Кузьміч: - Что значит, не их компетенция убирать город? Но когда чрезвычайное положение, они как называются?.. Вот из этого и исходить надо… Они должны были оказать помощь… Но не в уборке, а в поднятии предприятий, не связанных с уборкой и содержанием города, о выделении специальной техники для ликвидации последствий снегопада.

Па інфармацыі "Гардармэханізацыі", у сераду ў раённых аддзяленьнях Міністэрства надзвычайных сытуацыяў усё ж такі прайшлі паседжаньні, на якіх гэтае пытаньне павінна было вырашацца. Аднак ніякіх дзеяньняў зь іхнага боку, што сьведчылі б аб прыняцьці канкрэтных рашэньняў, пакуль няма.

"Гэткае зімы ў Беларусі не было з таго году, як выбухнуў Чарнобыль", - узгадвае Аляксандар Кузьміч. На маё, з большага рытарычнае, пытаньне, ці спраўляюцца гарадзкія службы са сваёй працай, ён толькі пасьмяяўся: нягледзячы на тое, што праца вядзецца круглыя суткі й без выходных, рэсурсаў катастрафічна не стае".

А.К.: - Выпало столько снега, что тут на каждый метр нужна техника, люди, чтобы убрать. Это - чрезвычайная ситуация! Прошла колонна, почистила проспект, - через 15 минут - как будто бы колонны и не было. А колонне нужно пройти 20 км в одну сторону, 20 - назад, со скоростью 20 км. Это 4 часа нужно идти! За выходные дни - за этих 4 дня - больше 1.000 единиц техники работало только по нашей службе: это и подметальная, и уборочная, и погрузочная... А так получается где-то около 500 единиц техники работает ежедневно на улицах города.

Агулам за 4 апошнія дні з вуліц Менску вывезена каля 15.000 тон сьнегу, высыпана каля 3.900 кубамэтраў пяшчана-саляное сумесі, на цэнтральныя праспэкты - Скарыны й Машэрава - каля 180 тон чыстай тэхнічнай солі.

Тымчасам, сьнегавая навала можа падацца яшчэ забаўкаю ў параўнаньні з тым, у што яна можа ператварыцца ў выпадку пацяпленьня, - прагназуе наш суразмоўца.

А.К.: - По продолжительным прогнозам, морозы буквально будут сутки-двое, а потом идёт катаклизм: ночью -15, днём до 0. Это самое, наверно, больное место - переход температуры через 0: может пойти вода и произойти обледенение. И тогда нам нужно будет бороться не только со снегом, но и с гололёдицей.

У гэткім кантэксьце можна спрагназаваць рэзкае павелічэньне колькасьці дарожна-транспартных здарэньняў. Дарэчы, менавіта таму, што пара сьнегападаў лічацца самай небясьпечнаю для аўтамабілістаў, колькасьць аварыяў у самыя "сьнежныя" дні зьнізілася, бо зьнізілася й колькасьць аўтамабіляў на дарогах. Дзяржаўтаінспэкцыя краіны нават выступіла з адмысловым зваротам, у якім заклікала карыстацца асабістым транспартам толькі ў надзвычайных выпадках. Ня выключана, што на асобных участках гарадзкіх дарог аўтамабільны рух наагул будзе часова перакрыты.

Вольга Бабак

Радыё Рацыя