Подпишитесь на нашу ежедневную рассылку с новыми материалами

Общество


Паводле зьвестак зь "Беларусьфільма", адзіная зьнятая сёлета на гэтай кінастудыі мастацкая стужка "Госьці" можа быць пераназваная без удзелу рэжысэра фільма Руслана Зголіча. Магчыма, што фільм будзе называцца "Эскіз на маніторы". Паводле крыніцаў, пад такой назвай фільм цяпер рыхтуецца для здачы дзяржаўнай камісіі.

"Ніхто ня робіць замаху на аўтарскія правы рэжысэра Зголіча, але, на жаль, ён сам ухіліўся ад апошняй стадыі працы над фільмам", — пракамэнтаваў цяперашняе становішча са стужкай намесьнік дырэктара "Беларусьфільма" Ўладзімер Шышкін.

А рэжысэр фільма "Госьці" Руслан Зголіч пацьвердзіў Радыё Свабода сваю ранейшую пазыцыю, якая палягае ў тым, што ён катэгарычна супраць зьмены назвы й новай рэдакцыі свайго фільма. "Гэты зьдзек з мастацкага твора трэба тэрмінова спыніць", — заявіў рэжысэр.

Алег Грузьдзіловіч, Менск